ԿԱՐԵՎՈՐ: Խնդրում ենք կարդալ և մանրամասն ծանոթանալ ստորև ներկայացված պայմաններին
Մուտք գործելով կայք Դուք համաձայնում եք ներքոնշյալ պայմաններին և դրույթներին: Հորդորում ենք ուշադիր կարդալ դրանք: Եթե համաձայն չեք ստորև ներկայացրած պայմաններին և դրույթներին, խնդրում ենք մուտք չգործել կայք կամ կայքի առանձին էջեր: Fastex-ը Web3-ով առաջնորդվող էկոհամակարգ է, որն առաջարկում է տեխնոլոգիական տարբեր լուծումներ ներառյալ հասանելիություն վիրտուալ արժեքների շուկա: Վիրտուալ արժեքների միջոցով իրականացվող գործարքները չեն կարգավորվում ՀՀ կողմից, իսկ վիրտուալ արժեքները բարձր ռիսկային գործիքներ են: Օգտատերերը, վիրտուալ արժեքներ ձեռք բերելիս կամ դրանցով գործարքներ իրականացնելիս, գործում են սեփական ռիսկով: fastex.com կայքում առաջարկվող ծառայությունները որևէ կերպ ՀՀ օրենսդրությամբ նախատեսված ներդրումային, արժույթի փոխանակման կամ վճարահաշվարկային ծառայություններ չեն հանդիսանում: Կայքում տեղ գտած տեղեկատվությունը, պատկերները, կանխատեսումները կրում են տեղեկատվական բնույթ և տրամադրում են կազմակերպության գործունեության վերաբերյալ ընդհանուր տեղեկատվություն: Վերջինները չեն կարող դիտարկվել որպես որևէ ներդրումային ֆոնդում կամ արժեթղթում ներդրում կատարելու առաջարկ, խորհրդատվություն կամ դրդում: Օգտատիրոջ կողմից վիրտուալ արժեք ձեռք բերելու վերաբերյալ որոշում կայացնելու համար անհրաժեշտ ամբողջական տեղեկատվություն, ներառյալ՝ հնարավոր ռիսկերի վերաբերյալ տեղեկատվություն, կայքում առկա չէ: Կայքում տեղադրված տեղեկատվությունը և նյութերը չեն կրում խորհրդատվական բնույթ, չեն հանդիսանում իրավաբանական կամ ներդրումների հետ կապված խորհրդատվություն: Մուտք գործելով կայք, Դուք համաձայնում եք, որ Fastex-ը որևէ պատասխանատվություն չի կրում կայքում առկա տեղեկատվության հիման վրա Ձեր կողմից ձեռնարկված որևէ գործողության կամ որևէ կայացրած որոշման համար: Ձեր հասանելիությունը կայքին ենթակա է ՀՀ օրենսդրությամբ նախատեսված պահանջների համապատասխանության: Օգտատերերը միանձնյա պարտավորություն են կրում ՀՀ-ում գործող օրենսդրության և կարագավորումների պահանջների պահպանման և որևէ որոշում կայացնելուց առաջ իրավական կամ ֆինանսական խորհրդատուներին դիմելու համար: Նախկինում ձեռք բերված փորձը և հաջողությունները որևէ կերպ չեն երաշխավորում դրական արդյունքներ: Բոլոր վիրտուալ արժույթները և դրանցով կատարվող գործարքները ենթադրում են բարձր ռիսկ, ներառյալ՝ կապիտալի ամբողջական կորուստի հնարավորություն: Վիրտուալ արժույթի շուկայական արժեքը կարող է նվազել՝ պայմանավորված մի շարք հանգամանքներով, ներառյալ՝ անբարենպաստ տնտեսական և շուկայական պայմաններ և իրական կամ ենթադրյալ անբարենպաստ մրցակցային պայմաններ:
Fastex քարտերի օգտագործման պայմանները
Վերջին վերանայումը՝ 02 սեպտեմբերի, 2024թ.
«FASTEX EUROPE UAB»-ն (այսուհետ՝ Ընկերություն) Լիտվայի Հանրապետության օրենսդրությանը համապատասխան հիմադրված Ընկերություն է, որը գրանցված է հետևյալ հասցեով՝ Լիտվայի Հանրապետություն, Վիլնյուս, Մեսինյո փողոց թիվ 5։
Սույն Դրույթներն ու պայմանները (այսուհետ՝ Fastex քարտի պայմաններ) հանդիսանում են Ընկերության և գրանցված կամ չգրանցված յուրաքանչյուր վերջնական օգտատիրոջ (եզակի թվով կիրառվող դիմելաձևերն են՝ «Օգտատեր», «Դուք» կամ «Ձեր») միջև իրավաբանորեն պարտադիր համաձայնություն: Դրանք կիրառելի են https://exchange.fastex.com/fastex-cards -ի կամ Ընկերության կողմից ժամանակ առ ժամանակ սահմանվող որևէ այլ URL-ի, ինչպես նաև ցանկացած բջջային հավելվածի կամ հարակից ծառայությունների կամ հավելվածների նկատմամբ (այսուհետ՝ Կայք):
Fastex քարտը «Fastex ծառայությունների» մի մասն է, ինչպես սահմանված է այստեղ ներկայացված՝ Fastex-ի օգտագործման պայմաններով (Fastex-ի պայմաններ): Ցանկացած խնդիր, գործառույթ կամ հանգամանք, որն ուղղակիորեն չի սահմանվում կամ կարգավորվում Fastex քարտի ներքոնշյալ պայմաններով, կարգավորվում է և ենթակա է Fastex-ի պայմաններին: Ընդունելով Fastex քարտի՝ հատուկ սահմանված Պայմանները՝ օգտատերերը հավաստիացնում են, որ կարդացել, հասկացել և համաձայնել են հետևել Fastex-ի պայմաններին, որոնք հասանելի են Պայմաններ և ընդհանուր դրույթներ | Fastex բաժնում։ Fastex քարտի պայմանների և Fastex-ի պայմանների միջև որևէ հակասության դեպքում գերակայում են Fastex քարտի պայմանները:
Անհրաժեշտ է ուշադիր կարդալ Fastex քարտի պայմանները: Մուտք գործելով և օգտագործելով Fastex քարտը (այդ թվում՝ այստեղ գնելով ցանկացած ապրանք կամ մասնակցելով դրա հետ կապված աճուրդին), համարվում է, որ Դուք կարդացել, ընդունել, կատարել և համաձայնել եք այստեղ ներկայացված կանոններին (այդ թվում՝ հղման տեսքով ներկայացված Fastex-ի և Գաղտնիության քաղաքականության պայմաններին):
Ընկերությունը ցանկացած պահի կարող է փոփոխել կամ վերանայել Fastex քարտը կամ Fastex քարտի ներքոնշյալ պայմանները` մեր միակողմ և բացարձակ հայեցողությամբ: Fastex քարտի պայմաններում ցանկացած փոփոխություն ուժի մեջ է մտնում այս էջի վերևում նշված «Վերջին վերանայման» ամսաթվից:
Եթե այստեղ ներկայացված Fastex քարտի պայմանների, Fastex-ի պայմանների կամ ապագայում արվելիք ցանկացած փոփոխության փաստը Ձեզ համար անընդունելի է, խնդրում ենք վերանայել Fastex քարտը գրանցելու կամ այն օգտագործելու Ձեր մտադրությունը: Սպասարկման պայմանների փոփոխության մասին ծանուցումից հետո Ձեր կողմից Fastex քարտի օգտագործումը հանդիսանում է հաստատում առ այն, որ Դուք ընդունել եք փոփոխությունը և համաձայնել եք դրան։
Օգտատիրոջ հարմարության համար այս Կայքի բովանդակությունը կարող է հասանելի լինել մի քանի լեզուներով: Տարբեր լեզուներով ներկայացված տարբերակների միջև հակասություններ կամ բացթողումներ լինելու դեպքում որպես հիմք կընդունվի անգլերեն տարբերակը։
1. Սահմանումներ
- Կիրառվում են հետևյալ սահմանումները՝
- Հաշիվ՝ Քարտապանի համար Fastex-ի կողմից բացված և վարվող հաշիվ.
- Դիմում՝ Քարտապանի կողմից Կայքի միջոցով Fastex-ին ներկայացված դիմում՝ Քարտ պատվիրելու համար.
- Աշխատանքային օր(եր)՝ ցանկացած օր, բացի շաբաթ կամ կիրակի օրերից կամ Լիտվայում պետական տոներից կամ բանկի համար ազատ օրերից.
- Քարտ կամ Fastex քարտ՝ վճարային գործիք, որը Քարտ թողարկողի կողմից տրամադրվել է Քարտապանին: Տերմինը կարող է վերաբերել ֆիզիկական կամ վիրտուալ քարտին.
- Քարտ թողարկող՝ Բանկային քարտերի միջազգային կազմակերպության անդամ հանդիսացող և Քարտ թողարկելու լիցենզիա ունեցող ցանկացած բանկ կամ ֆինանսական հաստատություն, որը մուտքի ծառայություններ մատուցելու թույլտվություն է տրամադրում Fastex-ին, որի արդյունքում Քարտապանին հնարավորություն է տրվում Քարտի համար դիմում ներկայացնելու և օգտագործելու այն․
- Քարտապան՝ անձ, ում տրամադրվել է Քարտը և ով լիազորված է օգտագործել այն.
- Սպասարկման վճարներ՝ Քարտի թողարկման, արժույթի փոխանակման և վճարային գործարքների մասով վճարներ, այդ թվում՝ «Վճարներ և սահմանափակումներ» էջում հրապարակայնորեն հասանելի վճարները․
- Բանկային քարտերի միջազգային կազմակերպություն՝ միջազգային վճարային քարտերի կազմակերպություն, ինչպիսիք են MasterCard-ը կամ VISA-ն․
- Նույնականացման միջոցներ՝ Քարտապանի տվյալները, Քարտի տվյալները (CVV, գործողության ժամկետ և այլն), PIN ծածկագիրը և/կամ Քարտ թողարկողի կողմից Քարտապանին տրամադրված այլ միջոցներ, որոնք Քարտապանին նույնականացվելու և գործառնություններ, այդ թվում՝ առցանց մեկնարկած հեռահար վճարային գործարքներ կատարելու հնարավորություն են ընձեռում.
- Վճարային գործարք՝ Քարտապանի կողմից Քարտի օգտագործմամբ միջոցների համալրում, փոխանցում կամ ելքագրում:
2․ Fastex քարտի ծառայություններ
2.1 Fastex քարտը թողարկվում է Քարտ թողարկողի կողմից, որը ենթակա է լիցենզավորման Բանկային քարտերի միջազգային կազմակերպության կողմից: Fastex քարտ կարող են ունենալ մեր կողմից հաստատված երկրներից մեկում բնակվող 18-ից 60 տարեկան անձինք:
2.2 Fastex քարտը կրեդիտ քարտ չէ: Այն ֆիքսված գումարով կանխավճարային դեբետային քարտ է՝ 36 ամիս գործողության ժամկետով։ Քարտը չի ապահովում օվերդրաֆի սահմանաչափեր, ինչը նշանակում է, որ օգտատերերը կարող են տնօրինել միայն քարտի վրա մուտքագրված միջոցները:
2․3 Դուք կարող եք վերալիցքավորել Ձեր Fastex քարտը՝ օգտագործելով հետևյալ կրիպտոարժույթները՝ USDT, USDC, BTC, ETH և FTN: Որպես հստակեցում անհրաժեշտ ենք համարում զգուշացնել, որ Քարտի կամ Հաշվի վրա մուտքագրված միջոցների նկատմամբ տոկոս չի կիրառվում: Վերալիցքավորման նվազագույն գումարը և քարտի առավելագույն սահմանաչափերը, ինչպես նաև վերալիցքավորման սահմանաչափերը նշված են մեր Կայքում:
2.4 Դուք կարող եք օգտագործել Քարտը Mastercard-ի և/կամ Visa-ի վճարային համակարգերն աջակցող գլոբալ առցանց հարթակներում կամ որոշակի օֆլայն վճարումների դեպքում՝ ըստ իրավիճակի, որը կարող է ժամանակ առ ժամանակ փոփոխվել՝ պայմանավորված Քարտ թողարկողի և/կամ համապատասխան Բանկային քարտերի միջազգային կազմակերպության պահանջներով:
2.5 Քարտ թողարկողը կարող է ցանկացած պահի չեղարկել, ուժը կորցրած ճանաչել, հետ վերցնել կամ սահմանափակել Քարտի օգտագործումը: Fastex-ն իրավասու է չտրամադրել թույլտվություն կամ հետարկել գանձումները կամ կասեցնել Քարտի օգտագործումը որևէ հիմքով, այդ թվում՝ Պայմանագրի խախտման, ենթադրյալ խարդախության պատճառով, ինչպես նաև Քարտապանի վարկունակությունը կասկածի տակ դնելու դեպքում: Fastex-ը կարող է նաև մերժել Քարտ թողարկողի կողմից նշված առևտրային հարթակներում Վճարային գործարքների լիազորումը: Fastex-ը պատասխանատվություն չի կրում մերժված կամ հետարկված Վճարային գործարքների հետևանքով առաջացած կորուստների համար:
3․ Սպասարկման վճարներ
3.1 Քարտապանը պարտավորվում է վճարել մեր Կայքում հասանելի՝ Քարտի թողարկման և օգտագործման համար սահմանված Սպասարկման վճարները, որոնք կարող են ժամանակ առ ժամանակ թարմացվել Fastex-ի միակողմ որոշման հիման վրա:
3.2 Վճարային գործարքների մասով բոլոր Սպասարկման վճարները Fastex-ի կողմից պետք է գանձվեն Հաշվից:
3.3 Քարտի արգելափակման մասին Fastex-ի որոշումը չի համարվում Պայմանագրի դադարեցում։ Այդ իսկ պատճառով Քարտի արգելափակումը, այն է՝ Վճարային գործարքներ կատարելու մերժումը Քարտապանին չի ազատում ծառայությունների դիմաց որևէ Սպասարկման վճարի պարտավորությունից:
4․ Քարտի տրամադրում և առաքում
4.1 Քարտ ձեռք բերելու համար Քարտապանը պետք է Կայքի միջոցով Դիմում ներկայացնի Fastex:
4.2 Քարտապանի կողմից Դիմումն ընդունելուց հետո Fastex-ը տրամադրում է Քարտ: Ֆիզիկական Քարտի դեպքում, Դիմումը ստանալուց հետո Fastex-ը (ըստ իրավիճակի) պատասխանատվություն է կրում այդպիսի ֆիզիկական Քարտը Քարտապանին հանձնելու համար:
4.3 Քարտը տրամադրելուց հետո Քարտապանին տրամադրվում են Նույնականացման եզակի միջոցներ: Այդպիսի Նույնականացման միջոցներ են համարվում Քարտապանի ստորագրությունը, որը տրամադրվում է Վճարային գործարքներ կատարելու նպատակով: Նույնականացման միջոցների օգտագործումը համարվում է Վճարային գործարքներ կատարելու համաձայնություն և թույլտվություն:
4.4 Ֆիզիկական Քարտի առաքման ժամկետը պայմանավորված է Քարտապանի բնակության երկրից: Fastex-ն ապահովում է Քարտի առաքումը Քարտապանին Դիմումն ընդունելու օրվանից յոթ (7) աշխատանքային օրվա ընթացքում, եթե այլ բան չի սահմանվում: Fastex-ը պատասխանատվություն չի կրում առաքման հետաձգման համար՝ անկախ պատճառից:
5․ Գրանցման գործընթացը
5.1 Նախքան Կայքում Դիմում ներկայացնելը Դուք պետք է գրանցվեք Fastex Exchange-ում՝ ըստ Fastex-ի Օգտագործման պայմանների: Դուք նաև պետք է անցնեք բոլոր անհրաժեշտ վերիֆիկացումները։
5.2 Դուք ընդունում և համաձայնում եք, որ Fastex քարտին Ձեր հասանելիությունն ու օգտագործումը կարգավորվում են ինքնության ստուգման և «Ճանաչեք Ձեր հաճախորդին» (KYC) ընթացակարգերով՝ կիրառելի օրենքներին և կանոնակարգերին համապատասխան: Ինքնության հաստատման և Քարտային ծառայություններից օգտվելու Ձեր իրավունքը ճշտելու նպատակով Ձեզանից կպահանջվի տրամադրել բոլոր անհրաժեշտ տեղեկությունները և փաստաթղթերը:
5.3 Դուք համաձայնում եք տրամադրել վավեր էլ. փոստի հասցե, բջջային հեռախոսահամար և այլ անհրաժեշտ տվյալներ՝ օգտատերերի գրանցման էջում սահմանված պահանջներին համապատասխան: Այս Կայք մուտք կարող է իրականացվել՝ օգտագործելով տրամադրված էլ.փոստի հասցեն, բջջային հեռախոսահամարը կամ ցանկացած այլ թույլատրելի եղանակով: Ըստ գործող օրենքների, կանոնակարգերի, Գաղտնիության քաղաքականության և փողերի լվացման դեմ պայքարի քաղաքականության՝ Դուք պետք է տրամադրեք Ձեր իրական անունը և ազգանունը, նույնականացման քարտի տվյալները և այլ անհրաժեշտ տեղեկություններ: Դուք պարտավորություն եք կրում թարմացված տվյալներ ներկայացնելու համար՝ ապահովելով դրանց ժամանակին տրամադրումը, ամբողջականությունն ու արժանահավատությունը։ Դուք պատասխանատվություն եք կրում ոչ ճշգրիտ տեղեկատվության հետևանքով առաջացած կորստի կամ անբարենպաստ հետևանքների համար։
5.4 Այս պահանջներին համապատասխանություն չապահովելու դեպքում Fastex-ն իրեն իրավունք է վերապահում առանց նախապես ծանուցման կասեցնելու կամ դադարեցնելու Ձեր հասանելիությունը Քարտային ծառայություններին:
6. Քարտային վճարումներ
6.1 Քարտի միջոցով Վճարային գործարք կատարելու իրավունք ունի բացառապես Քարտապանը:
6.2 Վճարային գործարքը Քարտապանի կողմից կարող է կատարվել՝
ա) վիրտուալ Քարտի թողարկումից անմիջապես հետո,
բ) միայն ֆիզիկական Քարտի բարեհաջող առաքումից և ակտիվացումից հետո:
6.3 Քարտապանը կարող է կատարել Վճարային գործարքներ միայն Հաշվի վրա նշված գումարի շրջանակներում և Քարտի օգտագործման սահմանաչափերի սահմաններում (օրինակ՝ Վճարային գործարքների ամսական առավելագույն գումարը, Ռիսկի վերահսկման համար քարտի սահմանաչափը և այլն), որոնք նշված են պայմանագրերում: Fastex-ն իրավունք է վերապահում իր հայեցողությամբ ժամանակ առ ժամանակ սահմանելու Քարտի օգտագործման սահմանաչափերը:
6.4 Fastex-ն առաջնորդվում է այն ենթադրությամբ, որ բոլոր Վճարային գործարքներն իրականացվում են Քարտապանի համաձայնությամբ, թույլտվությամբ և նախաձեռնությամբ, եթե այլ բան չի ապացուցվում:
6.5 Վճարային գործարք նախաձեռնելու նպատակով Քարտի կամ Նույնականացման միջոցների օգտագործումը համարվում է Վճարային գործարք կատարելու թույլտվություն և համաձայնություն: Եթե սպառողների իրավունքների պաշտպանության նպատակով այլ բան սահմանված չէ և եթե Քարտապանը Վճարային գործարք կատարելու համաձայնություն է տվել, ապա նա միջոցների վերադարձի իրավունք չունի, եթե վճարումը ստացող կողմը գումարը Քարտապանին վերադարձնելու համաձայնություն չի տվել:
6.6 Եթե Քարտ թողարկողը գալիս է այն եզրակացության, որ Քարտապանի Քարտի մասով կան կամ, ամենայն հավանականությամբ, կարող են լինել չափազանց մեծ թվով գործարքների մերժում, հետգանձումներ, փոխհատուցումներ, վեճեր, վճարներ կամ այլ պարտավորություններ, ապա Քարտապանը, էլեկտրոնային փոստի միջոցով ծանուցում ստանալուց հետո, կարող է ենթարկվել որոշակի հավելյալ վճարների: Եթե Քարտապանը համաձայնություն չի տալիս դրան, ապա նա զրկվում է Քարտային ծառայություններից օգտվելու իրավունքից։
6.7 Քարտի օգտագործմամբ Քարտապանի կողմից կատարվող Վճարային գործարքը կարող է մերժվել, եթե՝
ա) Քարտն անվավեր է կամ արգելափակվել է,
բ) Քարտ թողարկողը կամ Fastex-ը փակել, կասեցրել կամ սահմանափակել է Քարտապանի Հաշվի օգտագործումը,
գ) Վճարային գործարքի համար անհրաժեշտ գումարն ավելի մեծ է, քան Քարտապանի Հաշվին առկա միջոցները,
դ) Վճարային գործարքը գերազանցում է Քարտի օգտագործման՝ ժամանակ առ ժամանակ սահմանվող սահմանաչափերը.
ե) առկա է Պայմանագրից կամ իրավական ակտերից բխող ցանկացած այլ հիմք, կամ եթե Քարտապանը կասկածվում է խարդախության կամ այլ անօրինական գործունեության մեջ:
6.8 Fastex-ն իրեն իրավունք է վերապահում օգտվելու երրորդ կողմերի ծառայություններից՝ Վճարային գործարքի կատարումը կամ ցանկացած այլ Քարտային ծառայության մատուցումն ապահովելու համար:
7. Քարտի անվտանգ օգտագործումն ապահովելու մասով Քարտապանի պարտականությունները
Քարտի անվտանգ օգտագործման մասով Քարտապանն ունի հետևյալ պարտականությունները՝
ա) ֆիզիկական Քարտի ակտիվացում նախքան այն օգտագործելը։ Այս գործընթացը պետք է իրականացվի ֆիզիկական Քարտը ստանալուց հետո: Քարտապանը պատասխանատվություն է կրում Քարտի վաղաժամ ակտիվացման կամ Քարտի ակտիվացման հրահանգներին չհետևելու հետևանքով պատճառված վնասների համար.
բ) Քարտի ֆիզիկական վնասի կանխում (ֆիզիկական քարտի դեպքում)՝ ներառյալ պատճենումը, ձևափոխումը և այլն.
գ) Fastex-ի, Քարտ թողարկողի և/կամ համապատասխան Բանկային քարտերի միջազգային կազմակերպության կողմից սահմանված ընթացակարգերի ու հրահանգների, ինչպես նաև Պայմանագրերում ներառված այլ պահանջների պահպանում.
դ) Քարտին հասանելիության, ինչպես նաև բացառապես Քարտապանի կողմից դրա օգտագործման ապահովում: Սա ներառում է PIN ծածկագիրը որևէ մեկին չփոխանցելը, Քարտը ստանալուն պես դրա դարձերեսին ստորագրելը, ինչպես նաև չարտոնված օգտագործումը կանխելու նպատակով բոլոր անհրաժեշտ կանխարգելիչ միջոցառումները ձեռնարկելը.
ե) Վճարային գործարքների կատարմանը խոչընդոտող ցանկացած անսարքության մասին Fastex-ին անհապաղ տեղեկացնելը.
զ) Հաշվին բավարար միջոցների առկայության ապահովում՝ Սպասարկման վճարները կատարելու և Վճարային գործարքներ իրականացնելու համար.
է) Քարտը չտրամադրելը որևէ երրորդ կողմի, եթե այլ բան չի սահմանվում օրենքով, Քարտ թողարկողի կամ Fastex-ի կողմից․
ը) Քարտը և/կամ Նույնականացման միջոցները չարտոնված օգտագործումից, կորստից, գողությունից պաշտպանելը կամ որևէ երրորդ կողմի մոտ Քարտի տվյալները բացահայտելուց խուսափելը, ինչպես նաև այդպիսի իրադարձության մասին Fastex-ին անհապաղ տեղեկացնելը՝ Քարտապանի համար հետագա կորուստները կանխելու նպատակով․
թ) հաստատված երկրներից դուրս և/կամ որևէ անօրինական գործունեության նպատակով Քարտը չօգտագործելը, այդ թվում՝ կիրառելի օրենքներով արգելված ապրանքներ չգնելը կամ ծառայություններից չօգտվելը․
ժ) ֆիզիկական Քարտը կորցնելու կամ գողանալու դեպքում Fastex-ին դեպքի մասին տեղեկացնելը: Քարտապանը պարտավոր է Fastex Exchange-ին հնարավորինս շուտ տեղեկացնելու համար՝ օգտվելով Fastex Card էջում կոճակի սեղմումով կորստի մասին տեղեկացնելու հնարավորությունից․
ժա) Քարտապանի անձնական տվյալների ցանկացած փոփոխության մասին Fastex-ին անմիջապես տեղեկացնելը․ և
ժբ) Պայմանագրերում նշված կամ Fastex-ի, Քարտ թողարկողի և/կամ համապատասխան Բանկային քարտերի միջազգային կազմակերպության կողմից սահմանվող որևէ այլ պարտավորություններին ժամանակ առ ժամանակ հետևելը։
8․ Քարտը չեղարկելը
8.1 Քարտի չեղարկման կանոնները սահմանում է Քարտ թողարկողը՝ իր հայեցողությամբ: Քարտի չեղարկման հետ կապված խնդիր ունենալու դեպքում Քարտապանը պետք է դիմի Fastex։
8․2 Նկատի ունեցեք, որ Քարտի ապաակտիվացման դեպքում Հաշվից, ըստ Քարտի տեսակի, կարող են վճարներ գանձվել՝ Քարտ թողարկողի կողմից սահմանված կանոններին համապատասխան։
9․ Վավերականությունը և Քարտի արգելափակումը
9.1 Եթե Հաշիվը փակված է, ապա Քարտը համարվում է ժամկետանց և, հետևաբար, այլևս վավերական չէ Հաշվի փակման պահից:
9.2 Քարտի օգտագործման հանգամանքները ստուգելու նպատակով Fastex-ն իրեն իրավունք է վերապահում արգելափակել Քարտի օգտագործումը, եթե՝
ա) Նույնականացման միջոցները բացահայտվել են այնպիսի անձի, ով Քարտն օգտագործելու իրավասություն չունի,
բ) Հաշիվը չեղարկվել է, փակվել, կասեցվել կամ սահմանափակվել,
գ) Քարտն օգտագործվել է հաստատված երկրներից բացի այլ երկրներում,
դ) Վճարային գործարքներ կատարող Քարտապանի գործունեությունը կարող է կապված լինել խարդախության կամ որևէ այլ անօրինական գործունեության հետ,
ե) Քարտապանի կողմից որևէ պարտավորություն պատշաճ կերպով չի կատարվում, կամ
զ) այլ հիմքեր, որոնք Fastex-ի հայեցողությամբ Քարտի արգելափակման համար կարևոր են համարվում:
9.3 Քարտի արգելափակման պատճառները չվերացնելու դեպքում Fastex-ն իրավունք ունի արգելափակել Քարտը:
9.4 Քարտապանն իրավունք ունի ցանկացած պահի Քարտն արգելափակելու պահանջ ներկայացնել։
9.5 Fastex-ը պատասխանատվություն չի կրում Քարտի արգելափակման արդյունքում Քարտապանին կամ երրորդ անձանց պատճառված վնասի համար, եթե այլ բան նախատեսված չէ օրենքով:
10. Fastex-ի իրավունքները փողերի լվացման և ահաբեկչության ֆինանսավորման կանխարգելման համատեքստում
Համաձայն Լիտվայի և փողերի լվացման և ահաբեկչության դեմ պայքարի վերաբերյալ այլ կիրառելի օրենքների, Fastex-ն ունի հետևյալ իրավունքները՝
ա) փոխանցել Քարտապանի տվյալներն ու փաստաթղթերը՝ փողերի լվացման և ահաբեկչության ֆինանսավորման կանխարգելումն ապահովելու նպատակով,
բ) պարբերաբար ստուգել Քարտապանի անձը հաստատող տեղեկատվությունը և ցանկացած պահի պահանջել Քարտապանից լրացուցիչ փաստաթղթերի տրամադրում,
գ) Քարտապանի կողմից Վճարային գործարքների կատարման նկատմամբ կիրառել ժամանակավոր կամ մշտական սահմանափակում,
դ) Քարտապանի Վճարային գործարքների կամ Քարտի որևէ այլ նպատակով օգտագործման վերաբերյալ պահանջել ցանկացած փաստաթուղթ և տեղեկություններ,
ե) պահանջել ցանկացած փաստաթուղթ և տեղեկատվություն այն անձանց վերաբերյալ, որոնք ներգրավված են Քարտապանի վճարային գործարքներում կամ Քարտի ցանկացած այլ օգտագործման մեջ.
զ) փողերի լվացման և ահաբեկչության ֆինանսավորման կանխարգելման շրջանակներում Fastex-ի պարտավորությունների ապահովման նպատակով պահանջել որևէ այլ փաստաթուղթ և տեղեկատվություն, և
է) հրաժարվել Վճարային գործարքների կատարումից կամ որևէ այլ նպատակով Քարտն օգտագործելուց, եթե Քարտապանը չի կատարում փողերի լվացման և ահաբեկչության ֆինանսավորման կանխարգելմանն ուղղված մեր պահանջները:
11. Պատասխանատվություն
11.1 Քարտապանը պատասխանատվություն է կրում Պայմանագրերով կամ այլ իրավական ակտերով սահմանված որևէ պարտավորության խախտման համար:
11.2 Fastex-ը պատասխանատվություն չի կրում Վճարային գործարքների իրականացման ընթացքում երրորդ կողմերի ներգրավման մասով: Ավելին, Fastex-ը պատասխանատվություն չի կրում որևէ երրորդ կողմի՝ ապրանքների կամ ծառայությունների դիմաց վճարելու նպատակով Քարտն ընդունելուց հրաժարվելու համար:
11.3 Fastex-ը որևէ պատասխանատվություն չի կրում խարդախության, կորստի կամ Fastex Քարտի գողության համար: Քարտապանը հստակորեն ընդունում և համաձայնում է, որ Fastex-ը հրաժարվում է որևէ պատասխանատվությունից ֆինանսական կորուստների, վնասների կամ նման իրադարձությունների հետևանքով առաջացած այլ անբարենպաստ հետևանքների համար: Քարտապանը նաև գիտակցում և ընդունում է, որ այդպիսի իրադարձությունների հետ կապված Fastex-ը չի տրամադրի միջոցների վերադարձ, փոխհատուցում կամ հատուցում:
11.4. Քարտապանն ընդունում և համաձայնում է, որ վճարումը չեղարկելը չի թույլատրվում ցանկացած դեպքում: Գործարքին Fastex քարտի միջոցով ընթացք տալուց հետո այն չի կարող չեղարկվել կամ հետարկվել Քարտապանի կողմից: Քարտապանը պատասխանատվություն է կրում Fastex քարտով կատարված բոլոր գործարքների համար, և Fastex-ը վճարումը չեղարելու կամ գործարքը դադարեցնելու վերաբերյալ որևէ խնդրանքի ընթացք չի տա:
12. Ծառայություններ մատուցող երրորդ կողմեր
12.1 Fastex-ն օգտագործում է երրորդ կողմի կողմից մատուցվող ծառայությունները տարբեր գործառույթների համար, այդ թվում՝ Fastex քարտի թողարկման, վճարումների իրականացման և այլ ֆինանսական ծառայությունների համար: Fastex ծառայություններն օգտագործելով՝ Դուք ընդունում և համաձայնում եք, որ նշված ծառայությունների որոշակի մասն իրականացվում է երրորդ կողմերի կողմից:
12.2 Fastex-ը համագործակցում է Alchemy Pay-ի հետ Fastex քարտի թողարկման և դրա հետ կապված գործարքների իրականացման համար: Այս գործառնությունների հեշտացման նպատակով Alchemy Pay-ն իր հերթին կարող է օգտվել այլ մատակարարների ծառայություններից։
13. Եզրափակիչ դրույթներ
13.1 Սույն Պայմանագիրը կարգավորվում է Լիտվայի օրենսդրությամբ՝ հաշվի չառնելով միջազգային մասնավոր իրավունքի սկզբունքը: Կողմերը սույնով իրենց անվերապահ համաձայնությունն են արտահայտում Լիտվայի դատարանների բացառիկ իրավասության ընդունման հարցում: Կողմերը նաև համաձայնում են, որ սույն Պայմանագրից բխող կամ դրան առնչվող կամ Քարտի կամ Քարտային ծառայությունների օգտագործման հետ կապված Ձեր կամ որևէ երրորդ կողմի հայց պետք է ներկայացվի հայցապահանջի հիմքում ընկած իրադարձության տեղի ունենալուց հետո մեկ (1) տարվա ընթացքում. հակառակ դեպքում տվյալ հիմքով հայց առհասարակ չի կարող ներկայացվել։
13.2 Fastex-ն իրավունք ունի փոխանցել Քարտապանի կողմից կատարված Վճարային գործարքների մասին տեղեկատվությունն այնպիսի երրորդ անձանց, որոնց օրենսդրությամբ վերապահված է այդպիսի տեղեկատվություն ստանալու իրավունք:
13.3 Սույն Պայմանագիրը կտեղադրվի Fastex-ի Կայքում և կարող է ժամանակ առ ժամանակ թարմացվել: Քարտապանը սույնով համաձայնում է պարբերաբար ուսումնասիրել սույն Պայմանագիրը փոփոխություններին տեղեկանալու նպատակով:
14. Կոնտակտային տվյալներ
14.1 Fastex-ի մասին լրացուցիչ տեղեկություններ հասանելի են Կայքում: Եթե ունեք հարցեր կամ կարծիքներ, կարող եք կապ հաստատել մեզ հետ Հաճախորդների աջակցման մեր թիմի միջոցով՝ [email protected] կամ www.fastex.com/contact-us հասցեով:
14.2 Մենք Ձեզ հետ կապ կհաստատենք Ձեր կողմից տրամադրված կապի միջոցներով: Դա կարող է լինել էլեկտրոնային փոստը, SMS-ը կամ հեռախոսը: Խնդրում ենք համոզվել, որ Ձեր կոնտակտային տվյալները ճիշտ են և թարմացված: