ՕԳՏԱԳՈՐԾՄԱՆ ՊԱՅՄԱՆՆԵՐ

Վերջին փոփոխությունը՝ Օգոստոս 25, 2022

Fastex-ի Օգտագործման Պայմանները կնքվում են Ձեր (այսուհետ՝ «Դուք» կամ «Ձեր») և Fastex Օպերատորների միջև (ինչպես սահմանված է ստորև)։ Fastex-ի կողմից (ինչպես սահմանված է ստորև) տրամադրվող Fastex Ծառայություններն (ինչպես սահմանված է ստորև) ընդունելու համար՝ մուտք գործելով, ներբեռնելով, օգտագործելով կամ սեղմելով «Ես համաձայն եմ» կոճակը, Դուք համաձայնում եք , որ կարդացել, հասկացել և ընդունում եք սույն Օգտագործման Պայմաններում (այսուհետ՝ «սույն Պայմաններ») ներառված պայմանները և դրույթները, ինչպես նաև մեր Գաղտնիության Քաղաքականությունը: Բացի այդ, որոշ ծառայություններից օգտվելիս՝ Ձեզ վրա կարող են տարածվել լրացուցիչ հատուկ պայմաններ և դրույթներ՝ կիրառելի տվյալ գործառույթների համար։

Խնդրում ենք ուշադիր կարդալ պայմանները, քանի որ դրանք կարգավորում են Ձեր Fastex Ծառայությունների օգտագործումը։ ՍՈՒՅՆ ՊԱՅՄԱՆՆԵՐԸ ՊԱՐՈՒՆԱԿՈՒՄ ԵՆ ԿԱՐԵՎՈՐ ԴՐՈՒՅԹՆԵՐ, ՆԵՐԱՌՅԱԼ ԱՐԲԻՏՐԱԺԱՅԻՆ ԴՐՈՒՅԹՆԵՐ, ԸՍՏ ՈՐԻ՝ ԲՈԼՈՐ ԻՐԱՎԱՊԱՀԱՆՋՆԵՐԸ ՊԵՏՔ Է ԼՈՒԾՎԵՆ ՄԻՋՆՈՐԴ ԴԱՏԱՐԱՆԻ ՄԻՋՈՑՈՎ։ Արբիտրաժային պայմանները ամրագրված են սույն Պայմանների Հոդված 10-ում՝ «Վեճերի լուծում․ դատարան, արբիտրաժ, Կոլեկտիվ Հայցի հրաժարում»։ Ինչպես ցանկացած ակտիվի դեպքում, Թվային Արժույթները (ինչպես սահմանված է ստորև) կարող են զգալիորեն տատանվել, և Թվային Արժույթներ ու դրանց ածանցյալները գնելիս, վաճառելիս, պահպանելիս կամ ներդրում կատարելիս, առկա է տնտեսական կորուստների մեծ ռիսկ։ Օգտվելով fastex ծառայություններից՝ դուք ընդունում եվ համաձայնում եք, որ

(1) դուք տեղյակ եք թվային արժույթների եվ դրանց ածանցյալների հետ կապված ռիսկերի մասին,

(2) դուք ընդունում եք fastex ծառայությունների օգտագործման եվ թվային արժույթների ու դրանց ածանցյալների հետ կապված ռիսկերը, եվ այն որ

(3) fastex-ը պատասխանատվություն չի կրում նման ռիսկերի եվ վատ հետեվանքների համար։

Մուտք գործելով, օգտագործելով կամ փորձելով օգտվել Fastex Ծառայություններից ցանկացած կարգավիճակով՝ Դուք հաստատում եք, որ ընդունում և համաձայնում եք սույն Պայմաններին։

I. Սահմանումներ

Fastex-ը իրենից ենթադրում է էկոհամակարգ, որը ներառում է Fastex կայքերը ( որոնց դոմենային անունները ներառում են, բայց չեն սահմանափակվում հետևյալով՝ com/hy, բջջային հավելվածներ, հաճախորդներ, փոքր հավելվածներ և այլ հավելվածներ, որոնք մշակվել են Fastex Ծառայություններ առաջարկելու համար, և էկոհամակարգի ներսում ներառում են ինքնուրույն գործարկվող հարթակներ, կայքեր և հաճախորդներ (օրինակ՝ FT NFT, First Ticket, Fastex Pay, Fasttoken, Fastchain, Fastverse և ֆիատ դարպասներ)։ Վերոնշյալ հարթակների օգտագործման համապատասխան պայմանների և սույն Պայմանների բովանդակության միջև հակասության դեպքում գերակայում են տվյալ հարթակների համապատասխան կիրառելի պայմանները:
Fastex Օպերատորները այն բոլոր կողմերն են, որոնք ղեկավարում են Fastex-ը, ներառյալ, բայց չսահմանափակվելով՝ իրավաբանական անձինք (այդ թվում՝ Fasttoken (BVI) Inc), չգրանցված կազմակերպությունները և թիմերը, որոնք ապահովում են Fastex Ծառայություններ և պատասխանատվություն են կրում այդ ծառայությունների համար։ Հարմարավետության համար, եթե այլ ձևով նշված չէ, ապա սույն Պայմաններում առկա «Fastex» և «մենք» մեջբերումները մասնավորապես նշանակում են Fastex Օպերատորներ։ Սույն պայմանների համաձայն՝ fastex բիզնեսի կարգավորումներին զուգահեռ, fastex օպերատորները կարող են փոխվել, որի դեպքում փոխված օպերատորները, սույն պայմանների համաձայն, պետք է իրականացնեն իրենց պարտավորությունները ձեր նկատմամբ եվ ծառայություններ մատուցեն ձեզ, եվ նման փոփոխությունը չի ազդում սույն պայմաններով նախատեսված ձեր իրավունքների եվ շահերի վրա։ բացի այդ, fastex ծառայությունների ընդլայնման հեռանկարով պայմանավորված՝ fastex օպերատորների շրջանակը կարող է ընդլայնվել, եվ այդ դեպքում, եթե դուք շարունակում եք օգտվել fastex ծառայություններից, ապա ենթադրվում է, որ դուք համաձայնում եք միացյալ կատարել սույն պայմանները նոր ավելացված fastex օպերատորների հետ։ Վեճի առաջացման դեպքում, դուք պետք է որոշեք այն սուբյեկտներին, որոնց միջոցով սույն պայմանները իրականացվում են ձեր եվ վեճի հակառակ կողմի հետ՝ կախված այն հատուկ ծառայություններից, որոնցից դուք օգտվում եք, եվ կոնկրետ գործողություններից, որոնք ազդում են ձեր իրավունքների եվ շահերի վրա։
Fastex Ծառայությունները վերաբերում են Fastex-ի կողմից Ձեզ տրամադրված տարբեր ծառայություններին, որոնք հիմնված են Ինտերնետ և/ կամ բլոկչեյն տեխնոլոգիաների վրա և առաջարկվում են Fastex կայքերի, բջջային հավելվածների, հաճախորդների և այլ միջոցներով (ներառյալ նոր տեխնոլոգիաները, որոնք հասանելի կլինեն տեխնոլոգիական ապագա զարգացմանը զուգահեռ)։ Fastex ծառայությունները ներառում են (բայց չեն սահմանափակվում) Fastex էկոհամակարգի այնպիսի բաղադրիչներ, ինչպիսիք են Թվային Ակտիվների Առևտրային Հարթակները և Fastex-ի կողմից մատուցվող նոր ծառայությունները։

Fastex Հարթակի Կանոնները վերաբերում են այն բոլոր կանոններին, մեկնաբանություններին, հայտարարություններին, զեկույցներին, համաձայնության նամակներին և այլ գրություններին, որոնք հրապարակվել են կամ հետագայում կհրապարակվեն Fastex-ի կողմից, ինչպես նաև բոլոր կանոնակարգերին, իրականացման կանոններին,պրոդուկտի գործընթացների նկարագրություններին և հայտարարություններին՝ հրապարակված Օգնության Կենտրոնում կամ պրոդուկտների և ծառայությունների գործընթացներում։
Օգտատերերը այն բոլոր անհատները, հաստատությունները կամ կազմակերպություններն են, որոնք մուտք են գործում, ներբեռնում կամ օգտագործում են Fastex կամ Fastex Ծառայություններ, և որոնք համապատասխանում են Fastex-ի կողմից սահմանված չափանիշներին և պայմաններին։ Եթե կան այլ համաձայնագրեր այնպիսի կազմակերպությունների համար, ինչպիսիք են՝ մշակում կատարողները, բաշխիչները, շուկա ստեղծողները և Թվային Արժույթների փոխանակում իրականացնողները, ապա նման համաձայնագրերին պետք է հետևել։
Թվային Արժույթները որոշակի արժեք ունեցող, ծածկագրված կամ թվային թոքեններ կամ կրիպտոարժույթներ են, որոնք հիմնված են բլոկչեյն և ծածկագրային տեխնոլոգիաների վրա և թողարկվում ու ղեկավարվում են ապակենտրոնացված եղանակով։
Թվային Ակտիվները Թվային Արժույթներն են, դրանց ածանցյալները կամ որոշակի արժեք ունեցող այլ թվայնացված ակտիվներ։
Fastex Հաշիվները գլխավոր վիրտուալ հաշիվներն են, ներառյալ հիմնական հաշիվները և ենթահաշիվները, որոնք բացվում են Fastex-ի կողմից իր Օգտատերերի համար՝ Fastex-ում իրենց Fastex Ծառայությունների, գործարքների, ակտիվների փոփոխությունների և հիմնական տվյալների գրանցման համար։ Fastex հաշիվները հիմք են հանդիսանում Օգտատերերի համար՝ օգտվելու և գործադրելու իրենց իրավունքները Fastex-ում:
Կրիպտոարժույթի Առևտուրը տեղում իրականացվող գործարքն է, երբ մեկ թվային արժույթը փոխանակվում է մեկ այլ թվային արժույթով։
Ֆիատ Առևտուրը տեղում իրականացվող գործարքն է, երբ Թվային Արժույթները փոխանակվում են ֆիատ արժույթներով կամ հակառակը։
KYC-ն վերաբերում է «ճանաչիր քո հաճախորդին» գործընթացին, որը Fastex-ը իրականացնում է նախքան գործարար հարաբերություններ հաստատելը կամ իր Օգտատերերի հետ գործարքներ կատարելը: Այս գործընթացի շրջանակներում՝ Fastex-ը կարող է անել այն ամենը, ինչ անհրաժեշտ է Օգտատերերին նույնականացնելու, նրանց ինքնությունը հաստատելու, Օգտատերերի գործարքները մանրամասն ուսումնասիրելու և հետաքննելու, ինչպես նաև կիրառելի օրենքների կամ կանոնակարգերի կատարման համար։

II. Ընդհանուր Դրույթներ

Սույն Պայմանների մասին

Ա) Պայմանագրային Հարաբերություններ

Սույն Պայմանները համարվում են իրավական համաձայնագիր և հանդիսանում են պարտադիր պայմանագիր Ձեր և Fastex Օպերատորների միջև։

Բ) Լրացուցիչ Պայմաններ

Թվային Արժույթների և Fastex-ի արագ զարգացման շնորհիվ՝ Ձեր և Fastex Օպերատորների միջև սույն Պայմանները չեն թվարկում կամ չեն ընդգրկում յուրաքանչյուր կողմի իրավունքներն ու պարտականությունները և չեն երաշխավորում ապագա զարգացման արդյունքում առաջացած կարիքների լիարժեք համապատասխանությունը: Այսպիսով, գաղտնիության քաղաքականությունը, fastex հարթակի կանոնները եվ ձեր ու fastex-ի միջեվ առանձին կնքված այլ համաձայնագրեր համարվում են լրացուցիչ պայմաններ, որոնք սույն պայմանների անբաժանելի մասն են կազմում եվ ունեն նույն իրավական ազդեցությունը ։ Ձեր կողմից fastex ծառայությունների օգտագործումը կդիտարկվի որպես վերոնշյալ լրացուցիչ պայմանների համաձայնություն։

Գ) Փոփոխություններ սույն Պայմաններում

Fastex-ը իրավունք ունի ցանկացած ժամանակ իր հայեցողությամբ փոփոխել և ձևափոխել սույն Պայմանները։ Fastex-ը կտեղեկացնի նման փոփոխությունների մասին՝ կայքում թարմացնելով պայմանները և փոխելով այս էջում ցուցադրվող ամսաթիվը։ Սույն պայմանների ցանկացած ձեվափոխում կամ փոփոխություն ուժի մեջ է մտնում կայքում հրապարակվելու կամ օգտատերերին տրամադրելու պահից։ Հետեվաբար, fastex ծառայությունների ձեր շարունակական օգտագործումը դիտարկվում է որպես փոփոխված համաձայնագրի եվ կանոնների ընդունում։ Եթե դուք համաձայն չեք սույն պայմանների որեվէ փոփոխության, ապա պետք է անմիջապես դադարեք օգտվել fastex ծառայություններից։ խորհուրդ ենք տալիս՝ հաճախակի վերանայել սույն պայմանները, որպեսզի համոզվեք, որ գւտակցում եք այն պայմաններն ու հանգամանքները, որոնք վերաբերում են fastex ծառայությունների ձեր մուտքին եվ օգտագործմանը։

Դ) Օգտագործման Արգելք

Մուտք գործելով եվ օգտագործելով fastex ծառայությունները՝ դուք ներկայացնում եվ երաշխավորում եք, որ դուք ներառված չեք որեվէ առեվտրային էմբարգոների կամ տնտեսական պատժամիջոցների ցանկում (ինչպիսին է մակի անվտանգության խորհրդի պատժամիջոցների ցանկը), հատուկ քաղաքացիների ցանկում, որը վարում է ofac-ը (ամն ֆինանասների նախարարության օտարերկրյա ակտիվների վերահսկողությանվարչություն) կամ ամն առեվտրի նախարարության արգելված անձանց կամ կազմակերպությունների ցանկում։ fastex-ը իրավունք ունի ընտրել շուկաները եվ իրավազորությունները բիզնեսի վարման համար եվ կարող է իր հայեցողությամբ սահմանափակել կամ մերժել fastex ծառայությունների մատուցումը որոշակի երկրներում կամ տարածաշրջաններում։

Fastex-ի մասին

Որպես Fastex էկոհամակարգի կարևոր բաղադրիչ՝ Fastex-ը գլխավորապես ծառայում է որպես Թվային Ակտիվների առևտրի համաշխարհային առցանց հարթակ և տրամադրում է օգտատերերին առևտրային հարթակ, ֆինանսական ծառայություններ, տեխնիկական ծառայություններ և Թվային Ակտիվների հետ կապված այլ ծառայություններ: Ինչպես ավելի մանրամասն նկարագրված է ստորև, Հոդված 3-ում, օգտատերերը պետք է գրանցվեն և հաշիվ բացեն Fastex-ում, ինչպես նաև նախքան առևտուրը սկսելը, պետք է Թվային Ակտիվներով համալրեն իրենց հաշիվը։ Օգտատերերը, սույն Պայմաններում սահմանված սահմանափակումների համաձայն, կարող են դիմել Թվային Ակտիվների ելքագրման համար:

Թեև Fastex-ը ձգտում է պահպանել Fastex Ծառայությունների միջոցով տրամադրվող տեղեկատվության ճշգրտությունը, այնուամենայնիվ Fastex-ը չի կարող և չի երաշխավորում դրա ճշգրտությունը, կիրառելիությունը, հուսալիությունը, ամբողջականությունը, արդյունավետությունը կամ նպատակահարմարությունը, ինչպես նաև Fastex-ը պատասխանատվություն չի կրում որևէ կորստի կամ վնասի համար, որը կարող է առաջանալ ուղղակիորեն կամ անուղղակիորեն Ձեր կողմից այս բովանդակության օգտագործման պատճառով: Fastex Ծառայությունների մասին տեղեկատվությունը կարող է փոխվել առանց ծանուցման, և նման տեղեկատվության տրամադրման հիմնական նպատակն է օգնել Օգտատերերին ինքնուրույն որոշումներ կայացնել: Fastex-ը չի տրամադրում որևէ ներդրումային կամ խորհրդատվական ծառայություն և պատասխանատվություն չի կրում Fastex-ում կամ ցանկացած այլ հաղորդակցական միջավայրում տեղեկատվության օգտագործման կամ մեկնաբանման համար: Fastex Ծառայությունների բոլոր օգտատերերը պետք է գիտակցեն Թվային Ակտիվների առևտրի հետ կապված ռիսկերը, ցուցաբերեն ողջամտություն և պատասխանատվությամբ կատարեն առևտուր՝ իրենց հնարավորությունների սահմանում։

3. Fastex Հաշվի Գրանցում և Պահանջներ

ա. Գրանցում

Նախքան Fastex Ծառայություններից օգտվելը՝ բոլոր օգտատերերը պետք է դիմեն (https://exchange.fastex.com/registration) հասցեով՝ Fastex Հաշիվ ստանալու համար։ Երբ Դուք գրանցում եք Fastex հաշիվ, ապա պետք է տրամադրեք Պարբերություն 3-ում նշված կամ Fastex-ի կողմից այլ միջոցներով պահանջվող տեղեկատվությունը, ինչպես նաև պետք է ընդունեք սույն Պայմանները, Գաղտնիության Քաղաքականությունը և Fastex Հարթակի այլ կանոններ։ Fastex-ը կարող է իր հայեցողությամբ մերժել Ձեզ համար Fastex հաշիվ բացել։ Դուք համաձայնում եք տրամադրել ամբողջական և ճշգրիտ տեղեկատվություն Fastex հաշիվ բացելիս և համաձայնում եք ժամանակին թարմացնել ցանկացած տեղեկատվություն՝ դրա ամբողջականությունը և ճշգրտությունը պահպանելու համար: Յուրաքանչյուր օգտատեր (ներառյալ ֆիզիկական, ձեռնարկատիրական կամ իրավաբանական անձ) ցանկացած ժամանակ կարող է ունենալ միայն մեկ հիմնական հաշիվ։ Այնուամենայնիվ, Fastex-ի համաձայնությամբ՝ օգտատերերը կարող են բացել մեկ կամ մի քանի ենթահաշիվներ հիմնական հաշվի ներքո։ Որոշ Fastex Ծառայությունների համար Ձեզանից կարող է պահանջվել ստեղծել հատուկ հաշիվ՝ անկախ Ձեր Fastex Հաշվից՝ հիմնվելով սույն Պայմանների կամ Լրացուցիչ պայմանների դրույթների վրա: Նման առևտրային հաշիվների գրանցումը, կիրառումը, պաշտպանությունը և կառավարումը հավասարապես կարգավորվում են սույն Բաժնի և Բաժին VI-ի դրույթներով, եթե այլ բան նշված չէ սույն Պայմաններում կամ Լրացուցիչ պայմաններում:

բ. Իրավասություն

Fastex Հաշիվ օգտագործելու համար գրանցվելիս՝ Դուք ներկայացնում և երաշխավորում եք, որ

(i) Դուք՝ որպես ֆիզիկական անձ, առնվազն 18 տարեկան եք կամ գտնվում եք օրինական տարիքում՝ գործող օրենսդրության համաձայն պարտադիր պայմանագիր կնքելու համար,

(ii) որպես ֆիզիկական, իրավաբանական անձ կամ այլ կազմակերպություն, ունեք լիարժեք իրավունակություն և բավարար լիազորություններ՝ ընդունելու սույն Պայմանները,

(iii) Դուք նախկինում կասեցված կամ ազատված չեք եղել Fastex Ծառայությունների կիրառումից,

(iv) ներկայումս չունեք Fastex Հաշիվ,

(v) Դուք Միացյալ Նահանգներում, Մալայզիայում, Սինգապուրում, Օնտարիոյում (Կանադա) գործող օգտատեր չեք, ինչպես նաև չեք գործում Միացյալ Նահանգներում, Մալայզիայում, Սինգապուրում, Օնտարիոյում (Կանադա) հաստատված օգտատիրոջ անունից։ Եթե Դուք գործում եք որպես իրավաբանական անձի աշխատակից կամ գործակալ և ընդունում եք սույն Պայմաններն իր անունից, ապա ներկայացնում և երաշխավորում եք, որ ունեք բոլոր անհրաժեշտ իրավունքներն ու լիազորությունները՝ պարտավորեցնելու սույն իրավաբանական անձին.

(vi) Ձեր կողմից Fastex Ծառայությունների կիրառումը չի խախտում Ձեզ համար կիրառելի օրենքներն ու կանոնակարգերը, ներառյալ, բայց չսահմանափակվելով՝ փողերի լվացման, կոռուպցիայի դեմ պայքարի և ահաբեկչության ֆինանսավորման դեմ պայքարի կանոնակարգերը: Խնդրում ենք հաշվի առնել, որ որոշ պրոդուկտներ և ծառայություններ կարող են հասանելի չլինել որոշակի իրավասությանը ենթակա տարածքներում կամ տարածաշրջաններում կամ որոշ օգտատերերի համար։ Fastex-ն իրավունք ունի փոխել, ձևափոխել կամ գործադրել հավելյալ սահմանափակումներ՝ իր հայեցողությամբ։

գ․ Օգտատիրոջ ինքնության հաստատում

Fastex-ում Ձեր հաշվի գրանցումը համարվում է Ձեր համաձայնությունը՝ ինքնությունը հաստատելու նպատակով անհրաժեշտ անձնական տեղեկատվության տրամադրմանը։ Նման տեղեկատվությունն օգտագործվելու է օգտատերերի ինքնությունը հաստատելու, Fastex-ի միջոցով փողերի լվացման, ահաբեկչության ֆինանսավորման, խարդախության և այլ ֆինանսական հանցագործությունների հետքերի հայտնաբերման և Fastex-ի կողմից սահմանված այլ օրինական նպատակների համար։ Մենք կհավաքենք, կօգտագործենք և կտարածենք նման տեղեկատվությունը՝ մեր Գաղտնիության Քաղաքականության համաձայն: Ի լրումն նման տեղեկատվության տրամադրման, Դուք թույլատրում եք մեզ պահպանել այդ տեղեկատվության գրանցումները Ձեր հաշվի ակտիվ լինելու ընթացքում և Ձեր հաշիվը փակելուց հետո հինգ (5) տարվա ընթացքում ՝ համաձայն անձնական տվյալների պահպանման համաշխարհային ստանդարտների։ Դուք նաև լիազորում եք մեզ ուղղակիորեն կամ երրորդ կողմի միջոցով իրականացնել անհրաժեշտ հետաքննություններ՝ հաստատելու Ձեր ինքնությունը կամ պաշտպանելու Ձեզ և/կամ մեզ ֆինանսական հանցագործություններից, ինչպիսին է՝ խարդախությունը: Ձեր ինքնությունը հաստատելու համար մեզ անհրաժեշտ տեղեկատվությունը կարող է ներառել, բայց չսահմանափակվել հետևյալով՝ Ձեր անունը, էլեկտրոնային փոստի հասցեն, կոնտակտային տվյալներ, հեռախոսահամար, օգտանուն, պետական կառավարման մարմինների կողմից թողարկված ID, ծննդյան ամսաթիվ և հաշվի գրանցման ընթացքում հավաքված այլ տեղեկություններ: Պահանջվող տեղեկատվությունը տրամադրելիս՝ Դուք հաստատում եք, որ դրանք ստույգ են և ճշգրիտ: Գրանցվելուց հետո դուք պետք է համոզվեք, որ տեղեկատվությունը ճշգրիտ է , ամբողջական եվ փոփոխության դեպքում՝ ժամանակին թարմացված։եթե կա որեվէ հիմք ենթադրելու, որ ձեր կողմից տրամադրված ցանկացած տեղեկատվություն սխալ է, կեղծ, հնացած կամ թերի, fastex-ը իրավունք ունի ձեզ ծանուցում ուղարկել՝ պահանջելով ուղղել, ուղղակիորեն հեռացնել համապատասխան տեղեկատվությունը, եվ կախված հանգամանքներից, լուծարել մեր կողմից տրամադրվող fastex ծառաթյունների մի մասը կամ ամբողջը։ եթե մենք չենք կարողանում կապ հաստատել ձեզ հետ ձեր տրամադրած կոնտակտային տվյալների միջոցով, դուք ամբողջովին պատասխանատվություն եք կրում fastex-ին պատճառված ցանկացած վնասի կամ ծախսի համար ձեր կողմից fastex ծառայությունների օգտագործման ընթացքում։ դուք սույնով ընդունում եվ համաձայնում եք, որ ունեք պարտավորություն՝ ցանկացած փոփոխության դեպքում թարմացնել տեղեկատվությունը։ հաշիվ գրանցելով՝ դուք սույնով լիազորում եք fastex-ին ուղղակիորեն կամ երրորդ կողմի միջոցով իրականացնել հետաքննություններ, որոնք fastex-ը համարում է անհրաժեշտ՝ ձեր ինքնությունը հաստատելու կամ ձեզ, այլ օգտատերերի եվ fastex-ին պաշտպանելու համար խարդախոիթյունից կամ այլ ֆինանսական հանցագործություններից, ինչպես նաեվ ձեռնարկել անհրաժեշտ գործողություններ՝ հիմնվելով նման հետաքննությունների արդյունքների վրա։ դուք նաեվ ընդունում եվ համաձայնում եք, որ ձեր անձնական տեղեկատվությունը կարող է բացահայտվել վարկային բյուրոներին կամ գործակալություններին՝ խարդախության կանխարգելման եվ ֆինանսական հանցագործությունների կանխման համար, որոնք կարող են ամբողջապես արձագանքել մեր հետաքննություններին։

դ․ Հաշվի Օգտագործմանը վերաբերող պահանջներ

Fastex Հաշիվը կարող է օգտագործվել միայն հաշիվը գրանցողի կողմից: Fastex-ն իրավասու է կասեցնել, սառեցնել կամ չեղարկել Fastex Հաշիվների օգտագործումը այն անձանց համար, որոնք չեն հանդիսանում հաշվի գրանցող։ Եթե կասկածում եք կամ տեղյակ եք Ձեր օգտանվան կամ գաղտնաբառի չարտոնված օգտագործման մասին, ապա պետք է անմիջապես տեղեկացնեք Fastex-ին: Fastex-ը պատասխանատվություն չի կրում Ձեր կամ որևէ երրորդ կողմի կողմից Ձեր թույլտվությամբ կամ առանց դրա Fastex Հաշվի օգտագործման հետևանքով առաջացած վնասների կամ կորուստների համար։

ե․ Հաշվի անվտանգություն

Fastex-ը ձգտում է պահպանել օգտատերերի վստահված միջոցների անվտանգությունը և իրականացրել է ոլորտի ստանդարտ պաշտպանություն Fastex Ծառայությունների համար։ Այնուամենայնիվ, առանձին օգտատերերի գործողությունները կարող են ռիսկեր առաջացնել։ Դուք համաձայնում եք դիտարկել Ձեր մուտքի հավատարմագրերը որպես գաղտնի տեղեկատվություն և չհրապարակել այդ տեղեկատվությունը որևէ երրորդ կողմի։ Դուք նաև համաձայնում եք միանձնյա պատասխանատվություն կրել Ձեր Fastex հաշվի և անձնական տեղեկատվության պաշտպանության համար անհրաժեշտ անվտանգային միջոցների ձեռնարկման համար։ Դուք միանձնյա պատասխանատություն եք կրում Ձեր Fastex հաշվի և գաղտնաբառի անվտանգության համար, ինչպես նաև Ձեր Fastex հաշվի ներքո իրականացվող բոլոր գործարքների համար։ Fastex-ը պատասխանատվություն չի կրում Ձեր հաշվի հավատարմագրերի արտոնված կամ չարտոնված օգտագործման հետևանքով առաջացած որևէ կորստի կամ հետևանքի համար,ներառյալ, բայց չսահմանափակվելով՝ տեղեկատվության բացահայտումը, տեղեկատվության հրապարակումը, տարբեր կանոնների և համաձայնագրերի համաձայնությունը կամ ներկայացումը՝ կայքէջում սեղմումների միջոցով, առցանց համաձայնագրերի երկարաձգումը և այլն։

Ստեղծելով Fastex հաշիվ՝ Դուք սույնով համաձայնում եք, որ.

i.Դուք անմիջապես կծանուցեք Fastex-ին, եթե տեղյակ լինեք Ձեր Fastex հաշվի կամ գաղտնաբառի չարտոնված օգտագործման կամ անվտանգության կանոնների որևէ այլ խախտման մասին,

ii.Դուք խստորեն կհետևեք Fastex-ի բոլոր մեխանիզմներին կամ ընթացակարգերին, որոնք վերաբերում են անվտանգությանը, նույնականացմանը, առևտրին, գանձմանը և ելքագրմանը,

iii.Fastex-ի կայքէջ յուրաքանչյուր այցի ավարտին Դուք համապատասխան քայլեր կձեռնարկեք համակարգից պատշաճ կերպով դուրս գալու համար։

III. Fastex Ծառայություններ

Ձեր Fastex հաշվի գրանցման և ինքնության հաստատման ավարտից հետո, Դուք կարող եք օգտվել տարբեր Fastex Ծառայություններից, ներառյալ, բայց չսահմանափակվելով, Multi-Signature Wallet, Pro Platform, Core Platform և այլն՝ սույն Պայմանների մատուցման համաձայն (ներառյալ՝ Fastex Հարթակի կանոնները և այլ առանձին համաձայնագրեր)։ Fastex-ն իրավունք ունի.

Տրամադրել, ձևափոխել կամ լուծարել ցանկացած Fastex Ծառայություն՝ իր հայեցողությամբ՝ հիմնվելով իր զարգացման ծրագրի վրա,
Թույլատրել կամ արգելել օգտատերերի կողմից ցանկացած Fastex Ծառայությունների օգտագործումը՝ համաձայն Fastex հարթակի համապատասխան կանոնների:

Ծառայությունների Օգտագործման Ընդհանուր Սկզբունքներ

ա. Լիցենզիա

Պայմանով, որ Դուք մշտապես կհետևեք սույն Պայմաններում սահմանված հստակ դրույթներին և պայմաններին, Fastex-ը Ձեզ տրամադրում է ետկանչի ենթակա, սահմանափակ, անհատուցելի, ոչ բացառիկ, անփոխանցելի և ենթալիցենզավորման ոչ ենթակա լիցենզիա՝ Ձեր համակարգչի կամ համացանցի հետ համատեղելի սարքերի միջոցով Ձեր անձնական / ներքին նպատակներով Fastex Ծառայություններ մուտք գործելու և օգտագործելու համար: Արգելվում է օգտագործել Fastex Ծառայությունները վերավաճառքի կամ առևտրային նպատակներով, ներառյալ այլ անձանց կամ կազմակերպությունների անունից գործարքները: Վերոնշյալ բոլոր գործողությունները հստակորեն արգելված են և հանդիսանում են սույն Պայմանների էական խախտում: Fastex Ծառայությունների բովանդակության դասավորությունը, ձևաչափը, գործառույթները և մուտքի իրավունքները պետք է սահմանվեն Fastex-ի հայեցողությամբ։ Fastex-ը իրեն է վերապահում բոլոր իրավունքները, որոնք հստակորեն ներկայացված չեն սույն Պայմաններում։Հետևաբար սույնով արգելվում է օգտագործել Fastex Ծառայությունները ցանկացած եղանակով, որը հստակորեն չի թույլատրվում սույն Պայմաններով:Սույն Պայմանները միայն տրամադրում են սահմանափակ լիցենզիա՝ Fastex Ծառայություններ մուտք գործելու և օգտագործելու համար։ Հետևաբար, Դուք սույնով համաձայնում եք, որ Fastex Ծառայություններից օգտվելիս, Fastex-ը Ձեզ կամ որևէ մեկին չի փոխանցում Fastex Ծառայությունների կամ ցանկացած Fastex մտավոր սեփականության մտավոր կամ ոչ մտավոր սեփականության իրավունքներ։ Բոլոր տեքստերը, գրաֆիկան, օգտատիրական ինտերֆեյսը, վիզուալ ինտերֆեյսը, լուսանկարները, ձայները, հոսքի դիագրամները, համակարգչային կոդերը (ներառյալ html կոդը), ծրագրերը, ծրագրային ապահովումը, պրոդուկտները, տեղեկատվությունը և փաստաթղթերը, ինչպես նաև ծառայություններում ընդգրկված կամ Fastex Ծառայությունների միջոցով տրամադրվող ցանկացած բովանդակության դիզայնը, կառուցվածքը, հավաքակազմը, համակարգումը, արտահայտումը, տեսքը և դասավորությունը ամբողջապես պատկանում, վերահսկվում և լիցենզավորվում են Fastex Օպերատորների կամ նրանց անդամների, մայր ընկերությունների, լիցենզավորողների և մասնաճյուղերի կողմից։

Fastex-ին է պատկանում ցանկացած արձագանք, առաջարկություն, գաղափար կամ այլ տեղեկատվություն կամ նյութ (այսուհետ ընդհանրական՝ «Արձագանք») Fastex-ի կամ Fastex Ծառայությունների վերաբերյալ, որոնք Դուք տրամադրում եք էլեկտրոնային փոստի, Fastex Ծառայությունների միջոցով կամ այլ եղանակներով։ Դուք սույնով Fastex-ին եք փոխանցում Արձագանքի բոլոր իրավունքները, սեփականությունը և շահերը,ինչպես նաև դրան հարակից այլ մտավոր սեփականության իրավունքները։ Դուք չունեք իրավասություն և սույնով հրաժարվում եք որևէ Արձագանքի վրա հիմնված հաստատումից, փոխհատուցումից կամ ցանկացած փոփոխությունից՝ հիմնված որևէ Արձագանքի վրա։

բ. Սահմանափակում

Երբ Դուք օգտագործում եք Fastex Ծառայությունները, Դուք համաձայնում և պարտավորվում եք պահպանել հետևյալ դրույթները․

Fastex Ծառայությունների օգտագործման ընթացքում Ձեր կողմից իրականացվող բոլոր գործողությունները պետք է համապատասխանեն կիրառելի օրենքների և կանոնակարգումների, սույն Պայմանների և Fastex-ի ընդհանուր ցուցումների պահանջներին։
Ձեր կողմից Fastex Ծառայությունների օգտագործումը չպետք է խախտի այլ անձանց հանրային շահերը, հասարակական բարքերը կամ օրինական շահերը, ներառյալ ցանկացած գործողություն, որը կարող է խանգարել, խախտել, բացասաբար ազդել կամ կանխարգելել այլ օգտատերերի կողմից Fastex Ծառայությունների օգտագործումը։
Դուք համաձայնում եք չօգտագործել ծառայությունները շուկայական մանիպուլացումների նպատակով (ինչպիսին է՝ «մղել և թողնել (pump and dump)» ծրագիրը, լվացման նպատակով առևտուրը (wash trading), ինքնակառավարվող առևտուրը, նախնական առևտուրը, գնանշումների լցոնումը, խարդախությունը կամ շերտավորումը՝ անկախ նրանից այն արգելված է օրենքով, թե ոչ )։
Առանց Fastex-ի գրավոր համաձայնության, արգելվում է Fastex տվյալների հետևյալ առևտրային կիրառումները․

Առևտրային ծառայություններ, որոնք օգտագործում են Fastex-ի գնանշումները կամ շուկայական տեղեկատուների տեղեկատվությունը։
Տվյալների մատակարարում կամ հոսքային ծառայություններ, որոնք օգտագործում են Fastex-ի շուկայական ցանկացած տվյալ:
Ցանկացած այլ կայքեր/ հավելվածներ/ծառայություններ, որոնք գանձում են կամ այլ կերպ շահույթ են ստանում (ներառյալ գովազդային կամ ուղղորդման վճարները) Fastex-ից ստացված շուկայական տվյալների միջոցով։
Առանց Fastex-ի նախնական գրավոր համաձայնության, Դուք չեք կարող ձևափոխել, կրկնապատկել, ընդօրինակել, պատճենել, ներբեռնել, պահպանել, վերարտադրել, տարածել, փոխանցել, ետփոխադրել, հեռարձակել,հրապարակել, հեռացնել կամ փոփոխել ցանկացած հեղինակային իրավունքով պահպանված հայտարարություն կամ պիտակ, ինչպես նաև լիցենզավորել, ենթալիցենզավորել, վաճառել, արտապատճենել, նախագծել, վարձել, վարձակալության տալ,մասնավոր պիտակավորել, տրամադրել սեփականության կամ դրա որևէ մասի անվտանգային իրավունքներ կամ ստեղծել դրանց ածանցյալ աշխատանքները կամ այլ եղանակներով օգտվել սեփականության որևէ մասի առավելություններից։
Դուք չեք կարող

- օգտագործել խորը կապակցում (deep linking), որոնողական ռոբոտներ, բոտեր, վեբ սարդեր կամ այլ ավտոմատ սարքեր, ծրագրեր, գրվածքներ, ալգորիթմներ կամ մեթոդներ կամ նմանատիպ և համարժեք ֆիզիկական գործընթացներ՝ սեփականության որևէ մաս մուտք գործելու, ստանալու, պատճենելու կամ վերահսկելու համար, կամ ցանկացած եղանակով շրջանցել Fastex Ծառայությունների նավիգացիոն կառուցվածքը կամ ներկայացումը՝ նպատակ ունենալով ձեռք բերել կամ փորձել ձեռք բերել ցանկացած նյութ, փաստաթուղթ կամ տեղեկատվություն՝ Fastex Ծառայությունների միջոցով կանխամտածված կերպով չտրամադրված որևէ եղանակով։
- փորձել առանց թույլտվության մուտք գործել սեփականության որևէ մաս կամ գործառույթ,կամ հաքերային հարձակման, գաղտնաբառի մայնինգի կամ այլ անօրինական և արգելված միջոցներով միանալ Fastex Ծառայություններին, Fastex սերվերներին կամ Fastex-ի ցանկացած այլ համակարգերին և ցանցերին։
- զննել, սկանավորել կամ ստուգել Fastex Ծառայությունների կամ սեփականությանը միացված որևէ ցանցի խոցելիությունը, կամ խախտել Fastex Ծառայությունների կամ վերջինիս միացված որևէ ցանցի անվտանգության կամ իսկորոշման որևէ միջոց։
- իրականացնել հետադարձ որոնում, հետևել կամ փորձել հետևել Fastex Ծառայությունների օգտատերերի կամ այցելուների տեղեկատվությանը։
- ձեռնարկել որևէ գործողություն, որը չպատճառաբանված կամ անհամաչափ ծանրաբեռնվածություն է առաջացնում Fastex Ծառայությունների կամ Fastex-ի համակարգերի և ցանցերի վրա կամ Fastex ծառայությունների հետ միացված ցանկացած համակարգերի կամ ցանցերի ենթակառուցվածքի վրա։
- օգտագործել որևէ սարք, ծրագրային ապահովում կամ սովորական ծրագրեր (routine programs)՝ խոչընդոտելու Fastex Ծառայությունների բնականոն գործունեությանը, Fastex Ծառայություններում իրականացվող գործարքներին և ցանկացած այլ անձի կողմից Fastex Ծառայությունների օգտագործմանը։
- կեղծել վերնագրային տվյալները, անձնավորել կամ այլ կերպ վերափոխել նույնականացումը՝ Ձեր ինքնությունը կամ Fastex-ին ուղարկված հաղորդագրությունների և փոխանցումների ծագումը քողարկելու նպատակով,
- անօրինական ճանապարհով օգտագործել Fastex Ծառայությունները։

Fastex Ծառայություններ մուտք գործելիս՝ Դուք համաձայնում եք, որ Fastex-ն իրավունք ունի հետաքննել սույն Պայմանների ցանկացած խախտում, միակողմանիորեն որոշել՝ արդյոք Դուք խախտել եք սույն Պայմանները, և ձեռնարկել գործողություններ ՝ համաձայն համապատասխան կանոնակարգերի՝ առանց Ձեր համաձայնության կամ նախնական ծանուցման։Նման գործողությունների օրինակները ներառում են, բայց չեն սահմանափակվում հետևյալով.

Արգելափակել և փակել պատվերի հարցումները,
Սառեցնել հաշիվը,
Միջադեպի մասին հայտնել պետական մարմիններին,
Հրապարակել կասկածվող խախտումները և ձեռնարկված գործողությունները,
Ջնջել Ձեր կողմից հրապարակված տեղեկատվությունը, որը համարվում է խախտում:

2. Fastex Ծառայություններ։ Հետևյալ ծառայությունները («Fastex Ծառայություններ») մատուցվում են FASTTOKEN (BVI) Inc –ի ՝ Բրիտանական Վիրջինյան կղզիներում գործող սահմանափակ պատասխանատվությամբ ընկերության կողմից, որի ընկերության համարն է՝ 2083220, իսկ գրանցված գրասենյակի հասցեն է՝ Ռոդուս շենք, փոստարկղ 3093, Ռոդ Թաուն, Թորթոլա, VG 1110, Բրիտանական Վիրջինյան Կղզիներ։

Ինտուիտիվ ինտերֆեյս՝ իրական ժամանակում կատարվող պատվերների գրքերով, դիագրամային գործիքներով, արևտրային պատմությամբ և պատվերների պարզ գործընթացով («Pro Platform»)։
Պրոդուկտ, որն, ի լրումն Բազմաստորագրություն ունեցող Դրամապանակի (Multi-Signature Wallet), հնարավորություն է տալիս նաև գնել և վաճառել թվային ակտիվներ ( «Core Platform»)։
Պրոդուկտ, որը հնարավորություն է տալիս Ձեր սեփական Բազմաստորագրություն ունեցող Դրամապանակից փոխանցել, ինչպես նաև ստանալ թվային ակտիվներ («Multi-Signature Wallet»)։

բ. Չեղարկում

Fastex Ծառայությունների միջոցով ձեռնարկված պատվերները կարող են չեղարկվել միայն նախքան դրանք այլ օգտատերերի պատվերների հետ համապատասխանեցնելը: Եթե Ձեր պատվերը համապատասխանեցվի մեկ այլ օգտատիրոջ պատվերին, Դուք չեք կարողանա փոխել, հետ կանչել կամ չեղարկել Fastex-ի թույլտվությունը՝ Պատվերն ավարտելու համար: Մասամբ համապատասխանեցված պատվերի դեպքում, Դուք կարող եք չեղարկել պատվերի դեռևս չհամապատասխանեցված հատվածը։ Fastex-ն իրավունք ունի մերժել Պատվերի հետ կապված ցանկացած չեղարկման հարցում՝ ներկայացված Ձեր կողմից։ Եթե Ձեր հաշիվը չունի բավարար քանակությամբ թվային արժույթներ պատվեր կատարելու համար, Fastex-ը կարող է չեղարկել ամբողջ պատվերը կամ կատարել պատվերի մի մասը Ձեր հաշվում առկա թվային արժույթների քանակով (գործարքի հետ կապված ցանկացած վճար, որը վճարվում է Fastex-ին, պահվում է, ինչպես սահմանված է ստորև (գ) նշված պարբերությունում)։

գ. Վճարներ

Դուք համաձայնում եք Fastex-ին վճարել fastex.com/hy/վճար-ում նշված բոլոր վճարները։ Fastex-ը կարող է, իր հայեցողությամբ, ցանկացած ժամանակ թարմացնել վճարները: Թարմացված վճարները կկիրառվեն ցանկացած վաճառքի կամ այլ գործարքների նկատմամբ, որոնք տեղի են ունենում թարմացված վճարների ուժի մեջ մտնելուց հետո: Դուք լիազորում եք Fastex-ին Ձեր հաշվից պահել բոլոր կիրառելի վճարները, որոնք Դուք պարտավորվում եք վճարել՝ համաձայն սույն Պայմանների`

Վճարային Ծառայությունների Մատակարարներ

Մենք կարող ենք, մեր հայեցողությամբ, օգտագործել երրորդ կողմի վճարային ծառայությունների մատակարարներ՝ ֆիատ արժույթներով համալրման և ելքագրման հարցումները մշակելու համար։ Ֆիատ արժույթով համալրման կամ ելքագրման հարցում կատարելուց հետո, Դուք կարող եք Fastex-ից կամ Fastex Ծառայություններից ուղղորդվել դեպի երրորդ կողմի կայք։ Այս դեպքում, Դուք բացառապես պատասխանատվություն եք կրում նման կայքում կատարված ցանկացած գործողության համար, և մենք պատասխանատվություն չենք կրում նման կայքի կամ մատակարարի կողմից ամբողջությամբ կամ մասնակիորեն պատճառված վնասների համար:

IV. Պարտավորություններ

Հրաժարում երաշխիքներից

Կիրառելի օրենսդրությամբ թույլատրված առավելագույն չափով, fastex ծառայությունները, fastex նյութերը եվ ցանկացած պրոդուկտ, ծառայություն կամ այլ ապրանք, որոնք տրամադրվում են fastex-ի կողմից կամ նրա անունից , առաջարկում են «ինչպես կա» եվ «որքան հասանելի է » հիմունքներով։ fastex-ը հստակորեն հրաժարվում է, իսկ դուք չեք պահանջում ցանկացած տեսակի երաշխիքներ՝ լինի դա բացահայտ, թե ենթադրյալ, ներառյալ, բայց չսահմանափակվելով՝ առեվտրային պիտանիության, որոշակի նպատակի համար պիտանիության, իրավունքի չխախտման երաշխիքներով, կամ երաշխիքներով, որոնք բխում են կատարման ընթացքից, առեվտրում գործարկման կամ օգտագործման ընթացքից։ առանց վերը նշվածի սահմանափակման, fastex-ը չի ներկայացնում կամ երաշխավորում, որ կայքը, fastex ծառայությունները կամ fastex նյութերը ճշգրիտ են, ամբողջական, հուսալի, արդիական, զերծ սխալներից, վիրուսներից կամ այլ վնասակար բաղադրիչներից։ fastex-ը չի երաշխավորում, որ ցանկացած պատվեր կկատարվի, կընդունվի, կգրանցվի կամ կմնա բաց։ բացառությամբ սույն պայմաններով սահմանված հստակ հայտարարությունների, համաձայնագրերի եվ կանոնների, դուք սույնով ընդունում եվ համաձայնում եք, որ չեք հիմնվել որեվէ այլ հայտարարության կամ համաձայնագրի վրա՝ լինի դա գրավոր, թե բանավոր՝ կապված fastex ծառայությունների ձեր օգտագործման եվ հասանելիության հետ, եվ առանց վերը նշվածի սահմանափակման, դուք սույնով գիտակցում եվ համաձայնում եք, որ fastex-ը պատասխանատվություն չի կրում որեվէ կորստի կամ վնասի համար, որը ծագում է կամ բխում է հետեվյալ պատճառներից․

ա) թվային ակտիվների արժեքների տվյալերի ցանկացած անճշտություն, թերություն, բացթողում,

բ) նման տվյալների փոխանցման գործընթացում ցանկացած սխալ կամ ուշացում,

գ) նման տվյալների ընդհատում,

դ) fastex –ի կողմից իրականացվող կանոնավոր կամ չպլանավորված տեխնիկական սպասարկում, եվ ծառայության ընդհատում ու փոփոխություն, որն առաջանում է նման տեխնիկական սպասարկումից,

ե) այլ օգտատերերի գործողությունների, բացթողումների եվ սույն պայմանների խախտման հետեվանքով առաջացած վնասներ,

զ) ցանկացած վնաս, որն առաջացել է երրորդ անձի անօրինական գործողությունների կամ առանց fastex-ի թույլտվությամբ կատարված գործողությունների հետեվանքով, եվ

է) այլ բացառումներ, որոնք նշված են fastex-ի կողմից թողարկված հրաժարումներում եվ հարթակի կանոններում։

Սույն փաստաթղթում պարունակվող ենթադրյալ երաշխիքներից հրաժարումը կարող է չկիրառվել այն դեպքում եվ այնքանով, որքանով դա արգելված է ձեր բնակության վայրում կիրառվող օրենքի իրավասությամբ։

Վնասների հրաժարում եվ պատասխանատվության սահմանափակում

Կիրառելի օրենսդրությամբ թույլատրված առավելագույն չափով, fastex-ը, իր մասնաճյուղերը, դրանց համապատասխան բաժնետերերը, անդամները, տնօրենները, պաշտոնյաները, աշխատակիցները, փաստաբանները, գործակալները, ներկայացուցիչները, մատակարարները եվ կապալառուները ոչ մի դեպքում պատասխանատվություն չեն կրում ցանկացած պատահական, անուղղակի, հատուկ, պատժիչ, հետեվանքային կամ նմանատիպ այլ վնասների եվ պարտավորությունների համար (ներառյալ, առանց սահմանափակման, տվյալներին, տեղեկատվությանը, եկամտին, շահույթներին կամ այլ բիզնես եվ ֆինանսական օգուտներին հասցված վնասների համար), որոնք բխում են fastex ծառայություններից, դրանց կատարումից կամ չկատարումից կամ ցանկացած այլ պրոդուկտից, ծառայությունից եվ այլ ապրանքներից, որոնք տրամադրվում են fastex-ի եվ նրա մասնաճյուղերի կողմից կամ նրանց անունից՝ լինեն դրանք պայմանագրով, օրենսդրական ակտով, խիստ պարտավորություններով, թե այլ տեսությամբ ներկայացված, նույնիսկ եթե fastex-ը նախազգուշացվել է նման վնասների մասին, բացառությամբ վերջնական դատական որոշման, ըստ որի նման վնասները fastex-ի կոպիտ անփութության, խարդախության, միտումնավոր դրսեվորած սխալ վարքագծի կամ օրենքի դիտավորյալ խախտումների արդյունք են։ որոշակի իրավազորություններ չեն թույլատրում բացառել կամ սահմանափակել պատահական կամ հետեվանքային վնասները, ուստի վերոնշյալ սահմանափակումները կարող են չկիրառվել ձեր դեմ։

Չնայած վերը նշվածին, fastex-ի, իր մասնաճյուղերի, դրանց համապատասխան բաժնետերերի, անդամների, տնօրենների, պաշտոնյաների, աշխատակիցների, փաստաբանների, գործակալների, ներկայացուցիչների, մատակարարների եվ կապալառուների պարտավորությունը, որը բխում է fastex ծառայություններից, դրանց կատարումից կամ չկատարումից կամ ցանկացած այլ պրոդուկտից, ծառայությունից եվ այլ ապրանքներից, որոնք տրամադրվում են fastex-ի եվ նրա մասնաճյուղերի կողմից կամ նրանց անունից՝ լինեն դրանք պայմանագրով, օրենսդրական ակտով, խիստ պարտավորություններով, թե այլ տեսությամբ ներկայացված, ոչ մի դեպքում չեն գերազանցում սույն պայմաններով նախատեսված fastex-ին վճարվող վճարների չափը՝ պարտավորության պահանջ առաջացնող իրադարձությանը անմիջապես նախորդող տասներկու ամիսների ընթացքում։

3․ Փոխհատուցում

Դուք համաձայնում եք փոխհատուցել և ապահովել Fastex Օպերատորներին, նրանց ներկայացուցիչներին, կապալառուներին, լիցենզավորողներին, նրանց համապատասխան տնօրեններին, պաշտոնյաներին, աշխատակիցներին և գործակալներին ցանկացած պահանջից, գործողություններից, վարույթներից, հետաքննություններից, հայցերից, դատական վեճերից, վճարներից, ծախսերից և վնասներից (ներառյալ փաստաբանների վճարները, տուգանքները կամ տույժերը, որոնք կիրառվում են ցանկացած կարգավորող մարմնի կողմից), որոնք բխում են կամ առնչվում են ա) Ձեր կողմից Fastex Ծառայությունների օգտագործման կամ վերջինիս հետ կապված Ձեր վարքի հետ, բ) Ձեր կողմից սույն Պայմանների խախտման կամ մեր կողմից իրականացված հարկադրանքի հետ կամ գ) Fastex Ծառայությունների օգտագործման ընթացքում Ձեր կողմից ցանկացած կիրառելի օրենքի, կանոնակարգի կամ երրորդ կողմի իրավունքների խախտման հետ։ Եթե Դուք պարտավորվում եք վճարել Fastex Օպերատորներին, նրանց ներկայացուցիչներին, կապալառուներին, լիցենզավորողներին և նրանց համապատասխան տնօրեններին, պաշտոնյաներին, աշխատակիցներին կամ գործակալներին՝ համաձայն սույն Պայմանների, Fastex-ն իրավունք ունի, իր հայեցողությամբ, վերահսկել ցանկացած գործողություն կամ վարույթ և որոշել՝ արդյոք ցանկանում է լուծել հարցը, և եթե այո, ապա ինչ պայմաններով։

V. Հայտարարություններ

Խնդրում ենք նկատի ունենալ, որ բոլոր պաշտոնական հայտարարությունները, նորությունները, ակցիաները, մրցույթները և բաշխումները կտեղադրվեն fastex.com/hy/support/announcement կայքում։ օգտատերերը պարտավորվում են պարբերաբար եվ ճշտորեն օգտվել այս նյութերից։ Fastex-ը պարտավորություն կամ պատասխանատվություն չի կրում որեվէ կերպ փոխհատուցել օգտատերերի կրած անձնական վնասների համար, եթե դրանք տեղի են ունեցել հայտարարություններից անտեղյակության եվ նրանց հանդեպ անուշադրության հետեվանքով։

VI. Պայմանագրի լուծարում

1. Fastex Հաշիվների կասեցում

Դուք համաձայնում եք, որ Fastex-ը իրավունք ունի անհապաղ կասեցնել Ձեր Fastex Հաշիվը (կամ դրան առնչվող կազմակերպությաններին և մասնաճյուղերին պատկանող ցանկացած հաշիվ ), սառեցնել կամ արգելափակել նման հաշիվներում առկա Թվային ակտիվները և կասեցնել Ձեր մուտքը Fastex ցանկացած պատճառով, ներառյալ, եթե Fastex-ը կասկածում է, որ նման հաշիվը խախտում է սույն Պայմանները, մեր Գաղտնիության Քաղաքականությունը կամ որևէ կիրառելի օրենք և կանոնակարգ։ Դուք համաձայնում եք, որ Fastex-ը որևէ պարտավորություն չի կրում Ձեր հաշվի մշտական կամ ժամանակավոր փոփոխության համար, ինչպես նաև Fastex Ծառայությունների Ձեր հասանելիության ամբողջական կամ մասնակի կասեցման կամ լուծարման համար։ Fastex-ը իրավունք ունի պահպանել և օգտագործել գործարքի տվյալները կամ Fastex Հաշիվների վերաբերյալ այլ տեղեկություններ։ Հաշվի վերոնշյալ հսկողությունը կարող է կիրառվել նաև հետևյալ դեպքերում.

1. Fastex Հաշիվը ենթակա է պետական վարույթի, քրեական հետաքննության կամ այլ առկախ դատավարության,
2. Մենք հայտնաբերում ենք արտասովոր գործողություններ Fastex Հաշվում,
3. Մենք հայտնաբերում ենք չարտոնված մուտք Fastex Հաշիվ,
4. Մենք պարտավոր ենք դա անել դատարանի որոշմամբ կամ կարգավորող/պետական մարմնի հրամանով:

2. Fastex հաշիվների չեղարկում

Հետևյալ իրադարձություններից որևէ մեկի դեպքում, Fastex-ն իրավունք ունի ուղղակիորեն լուծարել սույն Պայմանները՝ չեղարկելով Ձեր Fastex Հաշիվը, ինչպես նաև օգտվել իր իրավունքից, բայց ոչ պարտավորությունից ՝ ընդմիշտ սառեցնել (չեղարկել) Ձեր Fastex Հաշվի լիազորությունները և հեռացնել համապատասխան Fastex Հաշիվը․

1. Այն բանից հետո, երբ Fastex-ը դադարեցնում է Ձեզ մատուցվող ծառայությունները,
2. Դուք ենթադրաբար ուղղակիորեն կամ անուղղակիորեն կրկնակի գրանցվում եք կամ որևէ այլ անձի անունով գրանցվում եք որպես Fastex օգտատեր,
3. Ձեր տրամադրած տեղեկատվությունը կեղծ է, ոչ ճշգրիտ, հնացած կամ թերի,
4. Երբ սույն Պայմանները ենթարկվում են փոփոխության, Դուք նշում եք, որ չեք ցանկանում ընդունել փոփոխված Պայմանները՝ Ձեր Fastex հաշիվը դադարեցնելու դիմում ներկայացնելով կամ այլ միջոցներով,
5. Դուք խնդրում եք, որ Fastex Ծառայությունները դադարեցվեն,
6. ցանկացած այլ հանգամանքներ, երբ Fastex-ը կարծում է, որ պետք է դադարեցնի Fastex Ծառայությունները:

Եթե Ձեր Fastex Հաշիվը լուծարվի, հաշվի և գործարքների մասին տեղեկությունները, որոնք համապատասխանում են տվյալների պահպանման ստանդարտներին, ապահով կերպով կպահվեն 5 տարի: Բացի այդ, եթե գործարքը անավարտ է մնում հաշվի լուծարման գործընթացում, Fastex-ն իրավունք ունի այդ պահին ծանուցել Ձեր կողմին տվյալ իրավիճակի մասին: Դուք ընդունում եք, որ օգտատիրոջ կողմից նախաձեռնված հաշվի ելքը (տվյալների ջնջման իրավունքը GDPR-ի կամ այլ համարժեք կանոնակարգերի համաձայն) նույնպես ենթարկվելու է լուծարման վերոնշյալ արձանագրությանը։

Եթե Fastex-ը տեղեկանա, որ Ձեր Fastex Հաշվում պահվող որևէ Թվային ակտիվ կամ դրամական միջոց գողացված է կամ ձեռք է բերվել այլ անօրինական ճանապարհով, Fastex-ը կարող է, բայց պարտավոր չէ, վարչական արգելանք դնել դրամական միջոցների և Ձեր Fastex հաշվի վրա: Եթե Fastex-ը վարչական արգելանք է դնում ձեր որոշ կամ բոլոր դրամական միջոցների կամ Fastex հաշվի վրա, Fastex-ը կարող է շարունակել պահել այդպիսի արգելանքը մինչև վեճի լուծումը և վեճի լուծման ապացույցները Fastex-ին ներկայացնելը՝ Fastex-ի համար ընդունելի ձևով: Fastex-ը չի ներգրավվի նման վեճի կամ դրա լուծման գործընթացների մեջ։ Դուք համաձայնում եք, որ Fastex-ը որևէ պարտավորություն կամ պատասխանատվություն չի կրում նման արգելանքի կամ դրա կատարման ընթացքում Թվային ակտիվների կամ միջոցների ելքագրման կամ առևտուր իրականացնելու անկարողության համար։

Մնացյալ հաշիվները Fastex Հաշվի լուծարումից հետո

Բացառությամբ ստորև 4-րդ կետում սահմանված դեպքերի՝ Fastex Հաշիվը փակելուց/ հեռացնելուց հետո, հաշվի մնացորդը (որը ներառում է վճարներն ու պարտավորությունները Fastex-ի նկատմամբ) անմիջապես վճարման ենթակա կլինի Fastex-ին: Fastex-ի բոլոր չմարված վճարումները կատարելուց հետո (եթե այդպիսիք կան), օգտատերերը ունեն 5 աշխատանքային օր ՝ հաշվից բոլոր Թվային ակտիվները կամ միջոցները հանելու համար:

Մնացյալ հաշիվները Fastex Հաշվի լուծարումից հետո, որը արդյունք է խարդախության, օրենքի կամ սույն Պայմանների խախտման

Fastex-ը ամբողջապես պահպանում է Թվային ակտիվները, միջոցները և օգտատիրոջ տվյալները/տեղեկությունները, որոնք կարող են փոխանցվել պետական մարմիններին Fastex Հաշիվների կասեցման/փակման դեպքում՝ կապված խարդախության հետաքննության, օրենքի խախտման կամ սույն Պայմանների խախտման հետաքննության հետ:

Անգործուն հաշիվներ

Անկախ սույն Բաժին VI-ում նշված որևէ դրույթից, Fastex-ը կարող է գրավոր ծանուցում ուղարկել՝ պահանջելով Ձեզնից փակել Ձեր բոլոր բաց դիրքերը, և Ձեր Fastex Հաշվից հանել բոլոր Թվային ակտիվները՝ ծանուցումն ուղարկելուց հետո 30 օրվա ընթացքում։ Եթե Դուք դա չանեք, Fastex-ը կարող է իր բացարձակ հայեցողությամբ և առանց Ձեզ նախնական ծանուցում ուղարկելու.

Ձեր Fastex Հաշիվը համարել անգործուն,
փակել ցանկացած բաց դիրք Fastex-ի ցանկացած պրոդուկտում,
փոխարկել Թվային ակտիվները այլ տեսակի Թվային ակտիվների (օրինակ՝ BTC-ից BUSD): Կասկածից խուսափելու համար, Fastex-ի Օպերատորներից ոչ մեկը պատասխանատվություն չի կրում ցանկացած կորցրած շահույթի, հարկային պարտավորությունների կամ նման փոխակերպման արդյունքում Ձեր կրած կորուստների, վնասների կամ ծախսերի համար,
փոխանցել նման անգործուն հաշիվները (ներառյալ դրանում առկա բոլոր Թվային ակտիվները) Fastex Օպերատորների ներկայացուցիչներին, որևէ երրորդ կողմի պահառուի կամ մեկուսացված դրամապանակի, եթե Fastex-ը ողջամիտ է համարում դա իրագործել։ Այն դեպքում, երբ նման փոխանցում է տեղի ունեցել, Դուք իրավունք ունեք ստանալ Ձեր թվային ակտիվները՝ եթե Fastex-ի ստուգման պահանջները բավարարվեն, ներառյալ KYC-ի անցումը,
գանձել անգործուն հաշվի վճար՝ Fastex Օպերատորների, նրա ներկայացուցիչների կամ որևէ երրորդ կողմի կողմից ակտիվների պահպանման ծախսերը հոգալու համար, և այդպիսի վճարը պետք է հանվի անմիջապես անգործուն հաշվից՝ ամսական հիմունքներով,
ցանկացած ժամանակ փակել անգործուն հաշիվը։ Fastex-ը պատասխանատվություն չի կրում որևէ կորստի, վնասի կամ ծախսի համար, որը կրել եք անգործուն հաշվի փակման հետևանքով, եթե չեն գրանցվել Fastex-ի կողմից խարդախության կամ կանխամտածված պարտավորությունների չկատարման դեպքեր։ Այս անգործուն հաշիվներում գտնվող ցանկացած ակտիվ կփոխանցվի վերոնշյալ 5-րդ (դ) կետի համաձայն: Անգործուն հաշվի փակվելուց հետո այն չեք կարող կրկին ակտիվացնել (այսինքն՝ Դուք պետք է գրանցեք նոր Fastex հաշիվ, եթե ցանկանում եք շարունակել օգտվել Fastex Ծառայություններից):

VII. Ֆինանսական խորհրդատվության բացակայություն

Fastex-ը Ձեր գործակալը, միջնորդը, կամ խորհրդատուն չէ և չունի Ձեր նկատմամբ հավատարմագրային հարաբերություններ կամ պարտավորություններ՝ կապված Fastex Ծառայությունների միջոցով Ձեր կողմից իրականացվող ցանկացած գործարքների կամ այլ որոշումների կամ գործողությունների հետ: Fastex-ի կողմից Ձեզ տրամադրված ոչ մի հաղորդագրություն կամ տեղեկատվություն նախատեսված չէ և չպետք է դիտարկվի կամ մեկնաբանվի որպես ներդրումների խորհրդատվություն, ֆինանսական խորհրդատվություն, առևտրային խորհրդատվություն կամ այլ տեսակի խորհրդատվություն։ Եթե այլ բան նշված չէ սույն Պայմաններում,ապա բոլոր գործարքներն իրականացվում են ավտոմատ կերպով՝ հիմնվելով Ձեր պատվերի հրահանգների պարամետրերի վրա և հրապարակված առևտրի կատարման ընթացակարգերին համապատասխան, և Դուք միանձնյա պատասխանատվություն եք կրում այն որոշման համար, թե արդյոք որևէ ներդրում, ներդրումային ռազմավարություն կամ դրա հետ կապված գործարք համապատասխանում է Ձեզ՝ համաձայն Ձեր անձնական ներդրումային նպատակների, ֆինանսական իրադրությանը և ռիսկերի դիմացկունությանը, ինչպես նաև Դուք միանձնյա պատասխանատու եք դրանց հետ կապված ցանկացած կորստի կամ պարտավորության համար: Դուք պետք է խորհրդակցեք իրավաբանական կամ հարկային մասնագետների հետ Ձեր կոնկրետ իրավիճակի վերաբերյալ: Fastex-ը խորհուրդ չի տալիս գնել, վաստակել, վաճառել կամ պահել որևէ Թվային ակտիվ։ Նախքան որևէ Թվային ակտիվ գնելու, վաճառելու կամ պահելու որոշում կայացնելը, Դուք պետք է կատարեք Ձեր սեփական պատշաճ ուսումնասիրությունը և խորհրդակցեք Ձեր ֆինանսական խորհրդատուների հետ՝ մինչև որևէ ներդրումային որոշում կայացնելը: Fastex-ը պատասխանատվություն չի կրում Fastex-ի կողմից տրամադրված տեղեկատվության հիման վրա Թվային ակտիվ գնելու, վաճառելու կամ պահելու վերաբերյալ Ձեր կայացրած որոշումների համար:

VIII. Համապատասխանություն տեղական օրենքներին

Օգտատերերը պատասխանատվություն են կրում գործել ըստ տեղական օրենքների՝ իրենց տեղական իրավասության շրջանակներում Fastex ծառայությունների օրինական օգտագործման համար, ինչպես նաև օգտատերերի նկատմամբ կիրառելի օրենքներին և կանոնակարգերին համապատասխանելու համար։ Օգտատերերը պետք է նաև հաշվի առնեն իրենց տեղական իրավազորության շրջանակներում հարկման, պահումների, հավաքագրման, իրենց համապատասխան հարկային մարմիններին հաշվետվության և դրամական միջոցների փոխանցման բոլոր ասպեկտները: fastex ծառայության բոլոր օգտատերերը ընդունում եվ հայտարարում են, որ իրենց միջոցներն ունեն օրինական աղբյուրներ եվ անօրինական գործողությունների արդյունք չեն հանդիսանում։ օգտատերերը համաձայնում են, որ fastex-ը կարող է նրանցից պահանջել տրամադրել կամ այլ կերպ հավաքագրել անհրաժեշտ տեղեկությունները եվ նյութերը՝համապատասխան օրենքների եվ պետական կարգի համաձայն՝ ստուգելու աղբյուրների օրինականությունը եվ իրենց միջոցների օգտագործումը։ Fastex-ը համագործակցում է իրավապահ մարմինների հետ ամբողջ աշխարհում և չի վարանի առգրավել, սառեցնել, լուծարել օգտատերերի հաշիվները և միջոցները, որոնք նշանառության տակ են հայտնվել կամ հետաքննվել են օրենքի համաձայն:

IX. Գաղտնիության Քաղաքականություն

Fastex Ծառայությունների հասանելիությունը պահանջում է որոշակի անձնական տեղեկատվության տրամադրում, որը թույլ է տալիս հաստատել ինքնությունը: Խնդրում ենք ընթերցել Fastex-ի Գաղտնիության Քաղաքականությունը fastex.com/hy/privacy-policy կայքում՝ ծանոթանալու համար Fastex-ի ընդհանուր սկզբունքների ամփոփ նկարագրին՝ կապված անձնական տեղեկատվության հավաքագրման և օգտագործման հետ, որը թույլ է տալիս հաստատել ինքնությունը:

X. Վեճերի լուծում․ դատարան, արբիտրաժ, հրաժարում կոլեկտիվ հայցից

ԽՆԴՐՈՒՄ ԵՆՔ ՈՒՇԱԴԻՐ ԿԱՐԴԱԼ ԱՅՍ ԲԱԺԻՆԸ, ՔԱՆԻ ՈՐ ԱՅՆ ՆԵՐԱՌՈՒՄ Է ՀՐԱԺԱՐՈՒՄ ԴԱՏԱԿԱՆ ՎԱՐՈՒՅԹ ՀԱՐՈՒՑԵԼՈՒ ՈՐՈՇԱԿԻ ԻՐԱՎՈՒՆՔՆԵՐԻՑ, ԱՅԴ ԹՎՈՒՄ ՈՐՊԵՍ՝ ԿՈԼԵԿՏԻՎ ՀԱՅՑ։

Հայցի մասին ծանուցում և վեճերի լուծման ժամկետ: Խնդրում ենք նախևառաջ կապ հաստատել Fastex-ի հետ: Fastex-ը, հնարավորության դեպքում, ձգտում է լուծել Ձեր խնդիրները՝ չդիմելով պաշտոնական իրավական ընթացակարգերի: Եթե առաջացել է վեճ Fastex-ի հետ, ապա կապ հաստատեք նրա հետ և Ձեզ կտրամադրվի դիմումի համար։ Fastex-ը կփորձի հնարավորինս շուտ լուծել Ձեր վեճը ընկերության ներսում: Կողմերը համաձայնում են բարեխղճորեն բանակցել վեճը լուծելու համար (այս բանակցությունները պետք է մնան գաղտնի և համապատասխանեն կիրառելի կանոններին, որոնք պաշտպանում են կարգավորման բանակցությունները ցանկացած դատական գործընթացում որպես ապացույց օգտագործելուց):

Եթե վեճը չի կարող բավարար կերպով լուծվել, և Դուք ցանկանում եք իրավական հայց հարուցել Fastex-ի դեմ, ապա Դուք համաձայնում եք գրավոր նշել նման պահանջի հիմքը «Հայցի մասին ծանուցման մեջ»՝ որպես Fastex-ին նախնական ծանուցման ձև: Հայցի մասին ծանուցումը պետք է (1) նկարագրի հայցի կամ վեճի բնույթն ու հիմքը, (2) կոնկրետ սահմանի հայցի պահանջները, (3) պարունակի նախնական դիմումի համարը և (4) ներառի Ձեր Fastex Հաշվի էլ.փոստի հասցեն: Հայցի մասին ծանուցումը պետք է ուղարկվի Fastex-ի հետ Ձեր նամակագրության մեջ նշված էլեկտրոնային հասցեին կամ գերհղմանը: Fastex-ին հայցի մասին ծանուցում ներկայացնելուց հետո, հայցի ծանուցման մեջ նշված վեճը կարող է արբիտրաժ ներկայացվել կամ Fastex-ի կամ Ձեր կողմից՝ սույն բաժնի ստորև նշված 2-րդ կետի համաձայն: Կասկածներից խուսափելու համար, վեճը Fastex –ին ներքին լուծման համար ներկայացնելը և Fastex-ին հայցի մասին ծանուցում տրամադրելը նախապայմաններ են արբիտրաժային վարույթներ (կամ ցանկացած այլ դատավարություն) սկսելու համար: Արբիտրաժային վարույթի ընթացքում Ձեր կամ Fastex-ի կողմից արված որևէ կարգավորման առաջարկի գումարը չպետք է բացահայտվի արբիտրին:

Արբիտրաժի համաձայնագիր և կարգավորող օրենք: Դուք և Fastex Օպերատորները համաձայնում եք, որ հաշվի առնելով վերը նշված 1-ին կետը, ցանկացած վեճ, պահանջ կամ տարաձայնություն Ձեր և Fastex-ի միջև(և/կամ Fastex Օպերատորների) , որը բխում է սույն Պայմաններից կամ որևէ կերպ առնչվում է սույն Պայմաններին կամ Fastex-ի(և/կամ Fastex Օպերատորների) հետ Ձեր հարաբերություններին՝ որպես Fastex Ծառայությունների օգտատեր (անկախ այն բանից, թե արդյոք դրանք հիմնված են պայմանագրի, իրավախախտման, օրենսդրական ակտի, մոլորության կամ որևէ այլ իրավական տեսության վրա, և արդյոք պահանջները ծագում են սույն Պայմանների լուծարման ընթացքում կամ դրանից հետո ), լուծվում են պարտադիր վերջնական և պարտադիր անհատական(ոչ կոլեկտիվ) արբիտրաժի միջոցով, բացառությամբ ստորև՝ «Արբիտրաժային համաձայնագրերի բացառություններ» բաժնում նշված դեպքերի։ Դուք և Fastex-ի օպերատորները այնուհետև համաձայնում եք, որ արբիտրը բացառիկ իրավունք ունի որոշումներ կայացնելու իր իրավասության ներքո,ներառյալ, բայց չսահմանափակվելով՝ ցանկացած առարկություն արբիտրաժային համաձայնագրի գոյության, շրջանակի կամ վավերականության կամ որևէ պահանջի կամ հակահայցի արբիտրաժային հնարավորության վերաբերյալ: Արբիտրաժը հանդիսանում է ավելի է ոչ պաշտոնական գործընթաց, քան դատավարությունը։ ԱՐԲԻՏՐԱԺՈՒՄ ԴԱՏԱՎՈՐ ԿԱՄ ԵՐԴՎՅԱԼ ԱՏԵՆԱԿԱԼՆԵՐ ՉԿԱՆ, ԵՎ ԴԱՏԱՐԱՆԻ ԿՈՂՄԻՑ ԱՐԲԻՏՐԱԺԱՅԻՆ ՈՐՈՇՄԱՆ ՎԵՐԱՆԱՅՈՒՄԸ ՍԱՀՄԱՆԱՓԱԿ Է։ Այստեղ հնարավոր է ավելի սահմանափակ տեղեկատվության բացահայտում, քան դատարանում։ Արբիտրը պետք է հետևի սույն Համաձայնագրին և կարող է վճռել նույն վնասները և փոխհատուցումները, ինչ դատարանը (ներառյալ, եթե կիրառելի է, փաստաբանական վճարները), բացառությամբ այն բանի, որ արբիտրը չի կարող որոշում կայացնել դեկլարատիվ կամ դատական արգելք կիրառելու մասին ՝ հօգուտ որևէ մեկի, բացի արբիտրաժի կողմերից: Սույն բաժնում սահմանված արբիտրաժային դրույթները շարունակում են ուժի մեջ մնալ սույն Պայմանների լուծարումից հետո:

Արբիտրաժային կանոններ. Արբիտրաժային վարույթը պետք է իրականացվի HKIAC-ի կողմից կառավարվող արբիտրաժային կանոնների համաձայն (HKIAC. Կանոններ), որոնք ուժի մեջ են մտնում Արբիտրաժի մասին ծանուցումը ստանալու պահին, ինչպես ներկայացված է սույն Բաժին X-ում։ Արբիտրաժը վարելու է Հոնկոնգի Միջազգային Արբիտրաժային Կենտրոնը (HKIAC): Եթե կողմերը այլ կերպ համաձայնության չեն գալիս, ապա նշանակվում է միայն մեկ արբիտր՝ համաձայն HKIAC Կանոնների: Ցանկացած արբիտրաժ անցկացվում է անգլերենով։ Անկախ արբիտրաժային վարույթ իրականացնելու եղանակից, արբիտրը պետք է կայացնի պատճառաբանված գրավոր որոշում, որը բավարար է բացատրելու հիմնական բացահայտումները և եզրակացությունները, որոնց վրա հիմնված են վճիռը և որոշումը, եթե այդպիսիք կան: արբիտրաժի վերաբերյալ որոշում կարող է կայացվել ցանկացած դատարանում, որն ունի իրավասություն այն կողմի (կամ կողմի ակտիվների) նկատմամբ, որի դեմ կայացվել է նման որոշում: դիմումի ներկայացման ժամանակ. fastex օպերատորների դեմ ուղղված ցանկացած արբիտրաժ պետք է սկսվի արբիտրաժային դիմում ներկայացնելուց մեկ (1) տարվա ընթացքում այն ամսաթվից, երբ հայց ներկայացնող կողմը առաջին անգամ տեղեկացավ կամ ողջամտորեն պետք է տեղյակ լիներ հայցի համար հիմք ծառայած գործողության, բացթողման կամ պարտավորությունները չկատարելու մասին. այս ժամկետում չներկայացված հայցի համար որևէ իրավական պաշտպանության իրավունք չկա:սահմանված 1 տարի ժամանակահատվածը ներառում է ներքին վեճերի լուծման ընթացակարգը՝ սահմանված սույն բաժնի պարբերություն 1-ում։ այս ժամկետում չհաստատված ցանկացած հայցի համար իրավական պաշտպանության որեվէ իրավունք չպետք է լինի: Եթե կիրառելի օրենսդրությունն արգելում է հայց հաստատելու մեկամյա ժամկետը, ապա ցանկացած հայց պետք է ներկայացվի գործող օրենսդրությամբ թույլատրված ամենակարճ ժամկետում: Գործընթաց; ծանուցում․ կողմը, որը մտադիր է դիմել արբիտրաժ, պարբերություն 1-ում նշված «Վեճերի Լուծման Ժամկետի» ավարտից հետո, պետք է հայտ ներկայացնի HKIAC՝ համաձայն HKIAC կանոնների։ Եթե մենք արբիտրաժային վարույթ սկսենք Ձեր դեմ, ապա կտեղեկացնենք Ձեր կողմից տրամադրված էլեկտրոնային փոստի կամ փոստային հասցեի միջոցով։ Դուք համաձայնում եք, որ այս էլ․փոստի հասցեին կամ փոստային հասցեին ուղարկված ցանկացած ծանուցում կհամարվի վավեր բոլոր նպատակների համար, ներառյալ, առանց սահմանափակման՝ ծառայության պատշաճությունը որոշելով։ Ձեր պարտավորությունն է ապահովել, որ Fastex ֆայլում նշված էլ. փոստի հասցեն և/կամ փոստային հասցեն լինի արդիական և ճշգրիտ:Արբիտրաժի անցկացման վայրը․ Արբիտրաժի անցկացման վայրը պետք է լինի Հոնկոնգը։ Լսումների վայրը․ ֆիզիկական ներկայություն պահանջող արբիտրաժային լսումների վայրը պետք է լինի Հոնկոնգը, եթե այլ բան նախատեսված չէ կողմերի համաձայնությամբ: Կարգավորող օրենք․ Սույն Պայմանները (ներառյալ սույն արբիտրաժային համաձայնագիրը) պետք է կարգավորվեն և մեկնաբանվեն Հոնկոնգի օրենքներին համապատասխան:Գաղտնիություն․ Կողմերը համաձայնում են, որ արբիտրաժը պետք է գաղտնի պահվի: Արբիտրաժի առկայությունը, արբիտրաժում ներկայացված ցանկացած ոչ հրապարակային տեղեկատվություն, ինչպես նաև արբիտրաժում ընդունված ցանկացած դիմում, հրաման կամ որոշում (միասին` «Գաղտնի տեղեկատվություն») չպետք է բացահայտվի կողմերի հետ կապ չունեցող որևէ անձի, բացառությամբ՝ դատարանի, HKIAC-ի, կողմերի, իրենց դատապաշտպանների, փորձագետների, վկաների, հաշվապահների և ստուգողների, ապահովագրողների և վերաապահովագրողների և արբիտրաժի անցկացման համար անհրաժեշտ ցանկացած այլ անձի: Չնայած վերը նշվածին, կողմը կարող է բացահայտել գաղտնի տեղեկատվությունը այնքանով, որքանով բացահայտումը կարող է անհրաժեշտ լինել իրավական պարտավորությունը կատարելու, օրինական իրավունքը պաշտպանելու կամ իրացնելու, ինչպես նաև որոշումը բարեխղճորեն կիրառելու կամ վիճարկելու համար: Գաղտնիության սույն դրույթը կգործի սույն Պայմանների և ցանկացած արբիտրաժի լուծարումից հետո, որը կայացվել է սույն Պայմանների համաձայն:

Կոլեկտիվ հայցի հրաժարում: Դուք և Fastex-ը համաձայնում եք, որ ցանկացած հայց, որը կապված է սույն Պայմանների և Fastex-ի ու Ձեր հարաբերությունների հետ՝ որպես Fastex Ծառայությունների օգտատեր, արբիտրաժում մյուս կողմի դեմ պետք է ներկայացվի միայն անհատական հիմունքներով, և ոչ որպես ենթադրյալ խմբի հայցվոր կամ անդամ կամ ներկայացուցչական հայց։ Դուք և Fastex-ը նաև համաձայնում եք հրաժարվել նման պահանջների ներկայացման, քննարկման կամ արբիտրաժի ցանկացած իրավունքից ՝ որպես խմբային, կոլեկտիվ, ներկայացուցչական կամ մասնավոր հայցադիմում՝ կիրառելի օրենսդրությամբ սահմանված չափով։ Առանձին արբիտրաժների միավորումը կամ համախմբումը մեկ արբիտրաժի մեջ չի թույլատրվում առանց բոլոր կողմերի, ներառյալ Fastex-ի համաձայնության:
Փոփոխություններ: Fastex-ը իրավունք ունի թարմացնել, փոփոխել, վերանայել, կասեցնել կամ հետագա փոփոխությունների ենթարկել Կողմերի արբիտրաժային համաձայնագրին վերաբերող Բաժին X-ը՝ կիրառելի օրենսդրության համաձայն: Դուք սույնով համաձայնում եք, որ պատասխանատվություն եք կրում սույն Բաժնի վերաբերյալ Ձեր ըմբռնումը արդիական պահելու համար: Կիրառելի օրենսդրության համաձայն՝ Ձեր Fastex Հաշվի շարունակական օգտագործումը ենթադրում է, որ Դուք ընդունում եք Բաժին X-ի ցանկացած փոփոխություն՝ կապված կողմերի Արբիտրաժի համաձայնության հետ: Դուք համաձայնում եք, որ եթե դեմ եք Բաժին X-ի փոփոխություններին, Fastex-ը կարող է արգելափակել մուտքը Ձեր հաշիվ մինչև այն փակվի: Նման հանգամանքներում Օգտագործման պայմանները մինչև փոփոխությունը ամբողջությամբ կմնան ուժի մեջ մինչև Ձեր հաշվի փակումը:
Պատասխանատվություն: Եթե սույն Պայմանների որևէ մասը համարվում է անվավեր կամ անիրագործելի որևէ պատճառով կամ ինչ-որ չափով, սույն Պայմանների մնացած մասը մնում է վավեր և կիրառելի, իսկ անվավեր կամ անիրագործելի մասը ուժի մեջ է մտնում օրենքով թույլատրված առավելագույն չափով՝ մինչև Ձեր հաշվի փակումը:

XI. Այլ

Անկախ Կողմեր: Fastex-ը անկախ կապալառու է, բայց ոչ Ձեր գործակալը սույն Պայմանների կատարման հարցում: Սույն Պայմանները չպետք է դիտարկվեն որպես Կողմերի միջև միության, համատեղ նախաձեռնության, գործընկերության, և արտոնության փաստեր կամ ապացույցներ:
Ամբողջական համաձայնագիր: Սույն Պայմանները կազմում են կողմերի միջև Fastex Ծառայությունների օգտագործման վերաբերյալ ամբողջական համաձայնագիը և փոխարինում են կողմերի միջև բոլոր նախկին գրավոր կամ բանավոր համաձայնությունները: Կողմերի միջև առևտրի կամ այլ սովորական գործառության կամ վարվելակերպի մեթոդի օգտագործումը չպետք է օգտագործվի սույն Պայմանները փոփոխելու, մեկնաբանելու կամ լրացնելու համար:
Մեկնաբանություն և Վերանայում: Fastex-ը իրավունք ունի ցանկացած ժամանակ փոխել, վերանայել, ձևափոխել և/կամ փոփոխությունների ենթարկել սույն Պայմանները: Բոլոր փոփոխությունները ուժի մեջ կմտնեն Fastex կայքերում հրապարակվելուց անմիջապես հետո: Ձեր պարտականությունն է պարբերաբար ստուգել մեր կայքերի/հավելվածների համապատասխան էջերը՝ հաստատելու սույն Պայմանների վերջին տարբերակը: Եթե Դուք համաձայն չեք որևէ նման փոփոխության, միակ լուծումը Fastex Ծառայությունների օգտագործումը դադարեցնելն է և Ձեր հաշիվը չեղարկելը: Դուք համաձայնում եք, որ, եթե այլ բան ուղղակիորեն նախատեսված չէ սույն Պայմաններով, ապա Fastex-ը պատասխանատվություն չի կրում Ձեր կամ որևէ երրորդ կողմի կողմից Fastex Ծառայությունների օգտագործման որևէ փոփոխության կամ դադարեցման կամ Fastex Ծառայություններից Ձեր մուտքի ցանկացած կասեցման կամ դադարեցման համար:
Ֆորսմաժոր: Fastex-ը պատասխանատվություն չի կրում սույն Պայմանների պահանջների հետաձգման կամ չկատարման համար՝ Fastex-ի ողջամիտ վերահսկողությունից դուրս գտնվող որևէ պատճառով կամ պայմանով:
Պատասխանատվություն: Եթե սույն Պայմանների որևէ մասը համարվում է անվավեր կամ անիրագործելի, ապա այդպիսի անվավերությունը կամ անիրագործելիությունը չի ազդում սույն Պայմանների այլ դրույթների վրա, որոնք ամբողջությամբ ուժի մեջ են մնում, իսկ անվավեր կամ անիրագործելի մասը ուժի մեջ է մնում օրենքով թույլատրված առավելագույն չափով։
Փոխանցումներ: Դուք չեք կարող նշանակել կամ փոխանցել Fastex-ի Ծառայություններից օգտվելու ցանկացած իրավունք կամ սույն Պայմաններով նախատեսված Ձեր իրավունքներն ու պարտականությունները՝ առանց Fastex-ի նախնական գրավոր համաձայնության, ներառյալ օրենքների կիրառման կամ վերահսկողութան փոփոխության որևէ իրավունք կամ պարտավորություն: Fastex-ը կարող է, ամբողջությամբ կամ մասամբ, նշանակել կամ փոխանցել սույն Պայմաններով նախատեսված իր ցանկացած կամ բոլոր իրավունքները կամ պարտականությունները՝ առանց ծանուցում ուղարկելու կամ առանց Ձեր համաձայնությունը և հաստատումը ստանալու։
Հրաժարում: Կողմերից որևէ մեկի կողմից ցանկացած դրույթի կատարում չպահանջելը չի ազդի նույն կողմի՝ հետագա ցանկացած պահի կատարում պահանջելու իրավունքի վրա: Միևնույն ժամանակ, մի կողմի փոխհատուցում պահանջելու իրավունքից հրաժարվելը՝ այլ կողմի սույն Պայմանները կամ այլ կիրառելի պայմանների դրույթները խախտելու համար, չպետք է հանդիսանա այդ կողմի հրաժարում մյուս կողմի կամ հենց դրույթի հետագա խախտումների համար։
Երրորդ կողմի կայքերի օգտագործման մերժում: Fastex Ծառայություններում նշված հղումները երրորդ կողմի կայքերին՝ չեն ենթադրում Fastex-ի կողմից հավանություն այնտեղ ներկայացված ցանկացած պրոդուկտի, ծառայության, տեղեկատվության կամ մերժման համար, ինչպես նաև Fastex-ը չի երաշխավորում դրանցում առկա տեղեկատվության ճշգրտությունը: Եթե Դուք վնաս եք կրում երրորդ կողմի պրոդուկտը կամ ծառայությունն օգտագործելու հետևանքով , ապա Fastex-ը պատասխանատվություն չի կրում նման կորստի համար։ Բացի այդ, քանի որ Fastex-ը չունի վերահսկողություն երրորդ կողմի կայքերի Օգտագործման Պայմանների կամ Գաղտնիության Քաղաքականության վրա, Դուք պետք է ուշադիր կարդաք և հասկանաք տվյալ քաղաքականությունը:
Կոնտակտային տվյալներ. Fastex-ի մասին հավելյալ տեղեկությունների համար կարող եք օգտվել Fastex-ի կայքերում տեղադրված ընկերության և լիցենզիայի մասին տվյալներից: Եթե սույն Պայմանների վերաբերյալ ունեք հարցեր, դիմեք Fastex-ին՝ մեր Հաճախորդների Աջակցման բաժնի միջոցով: