Fastex Exchange-ն ինտեգրվել է Fast Shift հավելվածի հետ՝ ապահովելով արագ, անվտանգ և պարզ հասանելիություն դեպի Fastex Exchange-ի Ձեր հաշվեկշիռ: Այս ինտեգրումն  օգտատերերին տրամադրում  է միասնական փորձառություն և հնարավորություն է տալիս կազմակերպել սահուն գործարքներ` միաժամանակ երկու հարթակում:

Օգտատերերը կարող են մուտք գործել Fast Shift հավելված (կամ գրանցվել, եթե չունեն օգտահաշիվ), անցնել «Fastex Account» բաժին և սեղմել «+» նշանը՝ Fastex հաշիվ ստեղծելու համար։ Հաջորդ քայլում պետք է մուտքագրել նախընտրելի գումարի չափը (AMD), ընտրել վճարման եղանակը և հաստատել գործարքը` մեկ հպումով։

Հաշվի համալրումից հետո գումարը կարտացոլվի Fastex Exchange-ի Ձեր հաշվեկշռում։ Հասանելի մնացորդն անմիջապես արտացոլվում  է Fast Shift հավելվածում։

Առավելություններն այսքանով  չեն սահմանափակվում։ Այժմ օգտատերերը կարող են իրենց Fastex Exchange հաշվի մնացորդն օգտագործել ամենօրյա վճարումներ կատարելիս` անմիջապես Fast Shift հավելվածից։ Դրանք ներառում են՝

• Վարկերի մարում
  
  

• Բջջային հեռախոսի հաշվեկշռի լիցքավորում
  
  

•  Կոմունալ վճարումներ
  
  

• Գնումներ գործընկեր առևտրային հարթակների ցանկից
  
  

Այս թարմացման շնորհիվ Fastex Exchange-ն ու Fast Shift-ն օգտատերերին հնարավորություն են տալիս օգտվել նորարարական և արդյունավետ ֆինանսական լուծումներից՝ մեկ հավելվածի միջոցով։

Բոլոր գործարքներն իրականացվում են հայկական դրամով: Տարադրամի փոխարկումները կատարվում են ըստ տվյալ պահին գործող փոխարժեքի: